مجاهد: راتلونکې دوشنبه د اختر لومړۍ ورځ ده

AP ۱۴۰۳ غبرگولی ۲۵

د طالبانو ویاند ذبیح الله مجاهد د جمعې په ورځ پر اېکس ټولنیزې شبکې خپور کړي پیغام کې ویلي، چې لویاختر د دوشنبې په ورخ دی.

نوموړي ویلي: “څرنګه چې د سترې محکمې له خوا اعلان شوی، په افغانستان کې به د راتلونکې دوشنبې په ورځ د لوی اختر لومړۍ ورځ وي، په همدې اساس یوځل بیا یادونه کوو چې سبا په افغانستان کې د عرفې ورځ نه ده”.

نوموړي ویلي، چې د دوشنبې په ورځ د اختر لمانځل"شرعي حکم ده”.

د طالبانو په واک کې ملي راډیو ټلوېزون دوه ورځې وړاندې ویلي و؛ راتلونکې دوشنبه چې د جون ۱۷مه کېږي په افغانستان کې به د لوی اختر لومړۍ ورځ وي.

خو سعودي عربستان چې د افغانستان په ګډون د مختلفو هېوادونو په میلیونونو خلک د حج لپاره ورځي تر دې د مخه راتلونکې یکشنبه د لوی اختر لومړۍ ورځ اعلان کړې وه.

تر دې مخکې د طالبانو د سترې محکمې هم په اعلامیه کې ویلي و، چې راتلونکې دوشنبه (د غبرګولي ۲۸مه) به د لوی اختر لومړۍ ورځ وي.

نور خبرونه

رادیو