طالبان وايي، چې د غور ولایت له سېلاب ځپلو سره یې لسګونه میلیونه افغانۍ مرسته کړې ده
په غور ولایت کې له ویجاړونکو او مرګونو سیلابونو یوه میاشت وروسته، د طالبانو د ریاست الوزراء اقتصادي مرستیال ملا عبدالغني برادر دغه ولایت ته سفر کړی.
په غور ولایت کې له ویجاړونکو او مرګونو سیلابونو یوه میاشت وروسته، د طالبانو د ریاست الوزراء اقتصادي مرستیال ملا عبدالغني برادر دغه ولایت ته سفر کړی.
د ملا برادر مطبوعاتي دفتر د جزیياتو له ورکولو پرته وايي، چې نوموړي په دغه سفر کې له سېلاب ځپلو سره «د لسګونو ميليونو افغانيو» مرسته کړې ده.
د طالبانو دغه چارواکی د پنجشنبې په ورځ غور ته ولاړ او د جمعې په ورځ یې د دغه ولایت له یو شمېر اوسېدونکو سره وکتل. ملا برادر ویلي، چې د مرستو د روښانه وېش لپاره يې فوق العاده کمېټه جوړه کړې ده.
د روان کال د غویی میاشتې په پای کې د غور ولایت د اطلاعاتو او کولتور رییس عبدالحی زعیم ویلي و، چې په دغه ولایت کې د سیلابونو له امله لږ تر لږه ۵۰ تنه مړه شوي دي.
سیلابونو د ځاني زیانونو ترڅنګ ګڼ مالي زیانونه هم اړولي وو. هغه مهال سېلاب ځپلو د طالبانو او مرستندويه بنسټونو له نه پاملرنې سر ټکوه.
د طالبانو د ریاست الوزراء اقتصادي معاونیت د غور له سیلاب ځپلو سره د نغدي مرستو اندازه نه ده مشخصه کړې.
