د پاکستان د جمعیت علمای اسلام ګوند ټپي شوی غړی مړ شو
پاکستاني چارواکو تایید کړه، چې د پاکستان د جمعیت علمای اسلام ګوند یو مشر غړی مولانا میرزا جان د سې شنبې په ورځ مړ شو.
پاکستاني چارواکو تایید کړه، چې د پاکستان د جمعیت علمای اسلام ګوند یو مشر غړی مولانا میرزا جان د سې شنبې په ورځ مړ شو.
تېره اونۍ په شمالي وزيرستان کې د دغه ګوند د رهبر مولانا فضل الرحمان پر کاروان د نامعلومو کسانو له خوا بريد وشو، چې له امله يې د هغه درې مرستیالان ووژل شول او د دغه ګوند مشر ټپي شوی و.
پاکستاني رسنيو د سې شنبې په ورځ (د غبرګولي ٢٩مه) راپور ورکړى، چې مولانا مرزا جان د تېرې پنجشنبې په ورځ په شمالي وزيرستان کې د يوې مرمۍ له امله ټپي شو او له هغه راهيسې په روغتون کې تر درملنې لاندې و.
دا په داسې حال کې ده، چې تحریک طالبان پاکستان د لوی اختر په مناسبت درې ورځنی اوربند اعلان کړ.
