د پاکستان د جمعیت علمای اسلام ګوند ټپي شوی غړی مړ شو

که څه هم په پاکستان کې د برېښنا د کمښت مساله په ګرمیو کې زیاتیږي؛ خو جیونیوز راپور ورکړی، چې د سختې ګرمۍ له امله د اختر په ورځو کې د پاکستان د دفاع وزیر خواجه محمد اصف هم مجبور شوی، چې د سیالکوټ په موتره لویې ویالې کې ولامبي.

په ویډیو کې ښکاري، چې خواجه اصف او ګڼ شمېر نور پاکستانیان د دغه نهر له پله څخه اوبو ته ټوپ وهي او لامبو پرې کوي.

د نوموړي دغه کار په پاکستان کې د ټولنیزو رسنیو د کاروونکو له توندو نیوکو او مسخرې سره مخ شوی او دا یې د پاکستان د حکومت بې کفایتي ښودلې ده.

په ورته وخت کې د خیبر پښتونخوا یو شمېر سیاستوالو او چارواکو په دغه صوبې کې د برېښنا له کمښته شکایت کړی او زیاته کړې یې ده، چې د پاکستان د نورو صوبو په پرتله په خیبرپښتونخوا کې د برېښنا کمښت زیات شوی دی.

د پاکستان دولتي رادیو د راپور له مخې، عاصم منیر پرون له پاکستاني پوځيانو سره یو ځای له هند سره پوله کې د اختر لمونځ ادا کړ.

نوموړي تر لمونځ وروسته وینا کې زیاته کړه: «دا د ویاړ ځای دی چې امنیتي ځواکونه مو د هېواد د امنیت لپاره له خپلو کورنیو لېې اختر کوي.»
نوموړي د پاکستان له خاورې د دفاع لپاره د امنیتي ځواکونو د عزم او لوړ مورال ستاینه وکړه.
د پاکستان د پوځ مشر تېر کوچنی اختر پر ډیورنډ کرښه له پاکستاني پوځیانو سره ګډ وکړ.

هغه مهال نوموړي له ترهګرۍ سره د خپل هېواد پر مبارزه ټینګار کړی و.

له ۲۰۲۱ کال وروسته دا دویم ځل دی چې تحریک طالبان پاکستان د اوربند اعلان کوي.

لومړی اوربند په ۲۰۲۲ کال کې پای ته ورسېد او له هغه وروسته پاکستاني طالبانو د پاکستان په بېلابېلو سیمو کې خپلو بریدونو ته زور ورکړی دی.

د ټي ټي پي د بریدونو شدت د پاکستان او افغان طالبانو ترمنځ اړیکې ترینګلې کړې.

اسلام اباد وايي، د پاکستاني طالبانو مشران په افغانستان کې اوسیږي.

همدارنګه اسلام اباد ادعا کوي چې ټي ټي پي خپل بریدونه د افغانستان له خاورې ترسره کوي، خو دا تور د تحریک طالبان پاکستان او افغان طالبانو لخوا رد شوی دی.

په سیمه کې د یوه ځايي روغتون د سرچينې د معلوماتو له مخې، له پنځو ټپيانو څخه د څلورو تنو روغتيايي حالت نازک دى.

دغه چاودنه له لوی اختره ټیک یوه ورځ مخکې شوې چې له امله یې مرګ ژوبله اوښتې، په پاکستان کې نن د عرفې ورځ او سبا دوشنبه د لوی اختر ورځ ښودل شوې.

په کورمه کې د سني او شعیه مذهبو تر منځ مذهبي تاتریخوالی ډیر کله د سیمې د خلکو د مرګ ژوبلې لامل کیږي، دغه دوه لوري تر خپل منځ په سپکو او درنو وسلو جګړه کوي او په لارو ګودرو یو او بل ته په ځمکې کې ماینونه خښوي.

ځینو سرچینو افغانستان انټرنشنل پښتو وويل چې د کورمې غرنیو سیمو ته تازه د ټي ټي پي وسله وال ورغلي او له خلکو په زور د شپې ځای او ډوډئ غواړي.

تېره ورځ د همدې کورمې په صده سیمه کې یو شمیر سیمه والو په خپلو کلیو کې د نا امنئ خلاف لاریون کړی و او له حکومته یې غوښتي چې د دوی په سیمه کې امن ټینګ کړي.

د کډوالۍ نړېوال سازمان د یکشنبې په ورځ د (غبرګولي ۲۷مه) په خپله اېکس پاڼه لیکلي، چې د روانې جون میاشتې له دویمې څخه تر اتمې نیټې پورې له پاکستان او ایران څخه ۷۲۵۲۲ افغانان راستانه شوي دي.

همدارنګه د کډوالۍ نړېوال سازمان وايي، چې په همدې موده کې ۴۰۹۲۹ تنه افغانان له افغانستان څخه ایران او پاکستان ته تللي دي.

دا په داسې حال کې ده چې د پاکستان او ایران هېوادونو له لوري له تېر کال راهیسې په دوامداره توګه په زور افغان کډوال افغانستان ته ستانه کړل کیږي.

که څه د کډوالو نړېوالو سازمانونو او ملاتړو ادارو په وار وار له پاکستانه غوښتنه کړې چې د افغان کډوالو د ایستلو لړی ودروي خو څو ورځې وړاندې پاکستاني رسنیو راپور ورکړی چې د پاکستان حکومت د بې اسنادو کډوالو د ایستلو لړی ګړندۍ کوي او د پاکستان په مدرسو کې د افغان طالبانو په اړه به هم له سره کتنه وکړي.