سرچينې: نن سهار د خیبرپښتونخوا په بنو کې د پوځ پر یو مرکز ځانمرګي او وسله وال بریدونه شوي

لږ تر لږه ۱۳۰ غوښتونکي د «شکمنو ترهګریزو» فعالیتونو په نوملړ کې وو.

دغه راز په لسګونو نور غوښتونکي له «سخت دریځو اسلامپالو»، کیڼ اړخو او ښي اړخو فرانسوي ډلو سره تړاو لري.

د پاریس د اولمپیک په لوبو کې چې د جولای له ۲۶څخه د اګست تر ۱۱مې نیټې پورې به روانې وي، شاوخوا یو میلیون خلکو ته د لوبغاړو، روزونکو، خبریالانو، داوطلبانو او شخصي امنیت ساتونکو په ګډون په حساسو سیمو کې د ننوتلو لپاره امنیتي سندونه او جوازونه ورکړل شوي دي.

د اوړي د المپیک سیالیو چارواکو د ساتونکو د سخت کمښت په اړه اندیښنه ښودلې ده.

د فرانسې د ځنګړي امنیت فدراسیون په اپریل کې ویلي و، چې د ۸۰۰۰ کسانو له کموالي سره مخ دي.

خو تېره اوونۍ دغه کمښت ۱۰۰۰ کسانو ته راټیټ شو.

د اولمپیک په روانو لوبو کې به د فرانسې په پلازمینه کې له ۳۰۰ زرو څخه تر ۴۵۰ زرو پورې پولیس د امنیت د ټینګښت لپاره په دندو بوخت وي.

خو د حماس د سیاسي دفتر غړي عزت الرشیق پر اسراییل تور ولګاوه، چې د عربي منځګړو او د امریکا متحده ایالتونو هڅې یې د اوربند په برخه کې د خپلو بریدونو په زیاتولو سره له پښو غورځولي دي.

د غزې په خان یونس سیمه کې د شنبې ورځې برید چې د سیمه ییزو روغتیايي چارواکو په وینا لږ تر لږه ۹۰ فلسطینیان په کې ووژل شول، د اوربند خبرې له شک او تردید سره مخامخ کړې دي.

په دې وروستیو ورځو کې داسې هیلې زیاتې شوې چې په غزه کې د جګړې د درولو او د یرغمل شویو بندیانو د بېرته ستنولو لپاره یوه معامله وشي.

د مصر دوو امنیتي سرچینو د سې شنبې په ورځ وویل، په دوحه او قاهره کې د اوربند خبرې له درې ورځو سختو خبرو اترو وروسته ودرول شوې.

تمه کیږي چې د اسراییل لومړی وزیر بنیامین نتنیاهو د یکشنبې په ورځ د خپلو نږدې وزیرانو غونډه راوبلي چې په دې اړه خبرې وکړي.

د اسراییل پوځ د یکشنبې په ورځ وویل، چې د حماس د پوځي مشر ډیف د وژلو په موخه په شوي برید کې د دغې ډلې د خان یونس لېوا قوماندان رافع سلامه وژل شوی؛ خو ضیف د سرنوشت په اړه لا معلمومات نه دی ترلاسه شوی.

د رفح څخه په خپرو شوو ویډیو کې د کورني امنیت خدماتو مشر وویل: "په خان یونس کې برید د استخباراتو پایله وه." هغه وویل چې د حماس ۲۵ غړي چې د اکټوبر د اوومې په خونړي برید کې یې برخه اخیستې وه په روانه اونۍ کې وژل شوي دي.

د شنبې په ورځ د حماس یو لوړ پوړي چارواکي دا رد کړه چې ضیف وژل شوی او دې ډلې ویلي، چې د اسراییل ادعاوې د برید د توجیه کولو لپاره دي.

د یکشنبې په ورځ، اسراییلي ځواکونو پر غزې ښار هوایي او ځمکني بریدونه کړي دي، چې د ۲.۳ میلیونو خلکو اوسیدو دغه سیمه کې، ډیری خلک د جګړې له امله بې ځایه شوي دي.

د حماس رسنیو او روغتیایی چارواکو وویل، چې د غزې په تړانګه کې د کډوالو له اتو کمپونو څخه یو په نصیرات کمپ کې د برید په پایله کې ۱۵ فلسطینیان وژل شوي او لسګونه نور ټپیان شوي دي.

جيونيوز د یکشنبې په ورځ د پاکستان د ټوکر جوړولو او توليد فابرېکې د يو شمېر سرچينو له قوله ليکلي، چې د ټوکرانو جوړولو د ۵۰ کارخونو په ګډون ۱۰۰ لويي فابريکې تړل شوي او زرګونه کسان بې دندو شوي دي.

سرچينې د برېښنا او ګازو د بیو د لوړوالي اړوند وايي: « په ۲۰۲۲ کې د برېښنا کیلو واټ په ۱۶ کلداري و، چې اوس په ۴۲ شوی او په ۲۰۲۲ کې فابريکو ته یو کيلو ګاز په ۱۴ کلداري ورکول کېده، چې اوس په ۴۰ شوی دی.»

د سرچينې د معلوماتو له مخې، چې په دوو کلونو کې د ټوکر صادرات له ۱۹ میليارډو ډالرو څخه ۱۶ ميليارډ ډالرو ته را ټيت شوي دي.

باید وویل، شي، چې تېره مياشت د پاکستان لومړي وزير شهباز شريف د صنعت کارخونو لپاره د برېښنا په برخه کې څه باندي لس کالداري کمښت اعلان کړی و.

تر اوسه د برید انګېزه معلومه نه ده او د پېښې د قربانیانو د هویت په اړه څه نه دي ویل شوي.

د المان د دويچه ويله رسنۍ د رپوټ له مخې؛ پوليس باور لري، چې دغه پيښه د کورنۍ شخړې له کبله رامنځ ته شوې او په سيمه کې نورو خلکو ته کوم خطر نه شته.

د دغه راپور له مخې؛ د پولیسو ویاند ویلي، چې نن غرمه شاوخوا ۱۲:۳۰ بجې وروسته له هغه، چې د ډزو د غږ له امله بېړنی زنګ ووهل شو، پولیس سیمې ته ورسېدل او هلته یې د مړو او ټپیانو جسدونه ولیدل.

د ټرمپ جمهوري غوښتونکو متحدینو د شنبې په ورځ هغه د یو اتل په توګه انځور کړی.

هغوی تر برید وروسته د ترمپ هغه عکس خپور کړی، چې له غوږ څخه یې وینې روانې او ظاهره په خوله د جګړې کلیمه تکراروي.

په داسې حال کې چې ټرمپ په پرلپسې توګه له خپلو پلویانو، سلاکارانو او د پخواني ولسمشر له متحدینو سره له تاوتریخوالي ډکه ژبه کارولې ده؛ خو اوس جمهوري غوښتونکي وايي،‌ چې د ټرمپ پر ضد د بایډن ناوړه څرګندونې د دې برید لامل شوې دي.

د اوهایو ایالت سناتور او د ټرمپ متحد جې ډي وانس په اېکس خواله رسنۍ لیکلي: "د نن برید یوه عادي پیښه نه ده. د بایډن د کمپاین استدلال دا دی، چې ولسمشر ډونالډ ټرمپ یو استبدادي فاشیست معرفي کړي چې باید په هر قیمت یې په ټاکنو کې د بریا مخه ونیول شي. همدغه بیانیه په مستقیم ډول د ولسمشر ټرمپ د وژنې د هڅې لامل شوې ده."

بایډن په چټکۍ سره برید ته غبرګون ښودلی تر څو د وضعیت د کنټرول هڅه وکړي.

برید یې د نه منلو وړ سیاسي تاوتریخوالي په توګه غندلی دی.

بایډن خبریالانو ته وویل: "په امریکا کې د دې ډول تاوتریخوالي لپاره ځای نه شته."

تر اوسه د بریدګر انګېزه معلومه نه ده.

شکمن د پنسلوانیا د بیتیل پارک سیمې اوسیدونکی ۲۰ کلن توماس میتیو کروکس دی، د دولتي رایه ورکوونکو د اسنادو له مخې؛ نوموړی یو ثبت شوی جمهوري غوښتونکی و.

هغه د سیاسي عمل کمېټې ته د ۱۵ ډالرو مرسته کړې وه، چې د کیڼ اړخو او ډېموکراتیکو سیاستوالو لپاره یې پیسې راټولولې.

په لنډه موده کې به دغه برید د جمهوري غوښتونکو په ملي کنوانسیون کې د ټرمپ څرګندیدو ته ډېره توجه واړوي؛ ځکه چې هغه د خپل ګوند د ولسمشرۍ نوماند دی.

هغه به د ناورین او بې باورۍ احساس پیاوړی کړي هغه څه چې ملاتړي یې لا دمخه پرې باور لري.

میلیاردر ایلن ماسک او بل اکمن هم په چټکۍ سره د ټرمپ ملاتړ وکړ.

ماسک پر اېکس خواله رسنۍ لیکلي: "زه په بشپړ ډول د ولسمشر ټرمپ ملاتړ کوم او د هغه د ګړندي رغیدو هیله لرم."

د ټرمپ د کمپاین شریک مدیر کریس لا سیویتا ، پر اېکس خواله رسنۍ لیکلي: "د کلونو لپاره او حتا نن کیڼ اړخي فعالانو، ډېموکراتانو او اوس حتا جو بایډن پر ډونالډ ټرمپ د ډزو په اړه ناوړه څرګندونې کړي دي ... اوس د دوی وخت دی. د دې حساب به ورکول کیږي ... غوره لاره د رایه ورکولو صندوق کې رقابت کول دی."

لا سیویتا په ښکاره ډول د بایډن وروستیو څرګندونو ته اشاره کړې، چې د هغه د ملاتړ کونکو څخه یې وغوښتل، چې د خپل فعالیت پرځای د ټرمپ وهلو باندې تمرکز وکړي.

بایډن وویل: "نو موږ د ټاکنیز بحث په اړه خبرې پای ته ورسولې دي، اوس د دې وخت دی چې ټرمپ موخه وګرځوو."

تر برید وروسته بایډن وویل، چې تل یې هر ډول سیاسي تاوتریخوالی غندلی دی.