کورنی کرېکټ؛ هندوکش سټرايکرز د ميوند اتلانو لوبډلې ته په ۹ ويکټو ماتې ورکړه

د معلوماتو پر بنسټ؛ دغه کسان د جلال اباد ښار، سره رود او بهسود ولسوالیو څخه راوړل شوي دي.

هغه انځورونه او ویډیوګانې چې افغانستان انټرنشنل ـ پښتو ته رارسېدلي پکې لیدل کیږي، چې د سخت طوفان له امله د کورونو ترڅنګ د برېښنا ستنې او ونې وېجاړې شوي دي.

100%

اوس مهال د ننګرهار په سیمه ییز روغتونو کې بېړنۍ حالت اعلان شوی دی.

د طالبانو تر کنټرول لاندې د ننګرهار د عامې روغتیا ریاست سرچېنې وايي؛ اوس هم له یو شمېر سیمو څخه مړي او ټپیان د لېږدولو په حال کې دي.

100%

د رارسېدلو راپورنو له مخې؛ یوازې د ننګرهار سره رود ولسوالۍ کې د کور د چت راپرېوتو له امله لس کسان د خاورو لاندې شوي دي، چې ناتایید شوي راپورونه وايي، چې دغه کسان ټول مړه شوي دي.

د طالبانو تر واک لاندې باختر خبري اژانس د پېښې له سیمې د یوې ویډیو په خپرولو سره ویلي، چې دا پېښه د یادې ولسوالۍ په مستي خېلو کلي کې شوې ده.

سره له دې چې د یادو کسانو د ژغورلو لپاره هڅې روانې دي، خو د لومړنیو راپورونو له مخې ویل کیږي، چې دغه بند پاتې شوي کسان مړه شوي دي.

د ننکرهار ولایت په یو شمېر ولسوالیو کې له تېرې ورځې راهیسې سخت وروښتونه او بادونه روان دي، چې ډېر شمېر کسانو ته یې تلفات اړولي دي.
د هېواد په بېلابېلو ولایتونو کې د سږکال وروښتونو ډېری خامه او خټین کورونه له ورته پېښو سره مخامخ کړي، چې سلګونو کسانو ته پکې مرګ ژوبله اوښتې ده.
د افغانستان ډېری خلک د ناوړه اقتصادي وضعیت له امله په پخوانیو او زړو کورونو کې ژوند کوي، چې دغه پخواني کورونه بیا د وروښتونو او سېلابونو پر وړاندې مقاومت کولی نه شي.

د طالبانو د کورنيو چارو وزارت اړوند د ترافیک پوليسو ادارې د دوشنبې په ورځ د (چنګاښ ۲۵مه) نېټه په يوې خبرتيا کې له خلکو غوښتي، چې خپل موټرسایکلونه ثبت او د چلولو اجازه یې تر لاسه کړي.

دغې ادارې د کابل په ګډون په لويو ښارونو کې هم له موټر سایکل چلوونکو څخه غوښتي، څو پر يوه موټر سایکل دې له دوو کسانو زیات نه سپريږي.

د طالبانو د ترافیکو ادارې له کورنيو هم غوښتي، چې خپلو ماشومانو ته د موټر سایکل چلولو اجازه ور نه کړي.

د طالبانو د ترافیکو ادارې موټرسایکل چلوونکو ته خبرداری ورکړی، چې که دغه اصول عملي نه کړي له سخت قانوني چلند سره به مخ شي.

په دې وروستيو کې په ډېرو ولایتونو کې د بې روزګارۍ له کبله د جنايي پېښو کچه لوړه شوې او طالبان هم نږدې هره ورځ په زيات شمېر د غلا د مخنيوي او د غلا په تور د يو شمېر کسانو د نيولو راپورونه ورکوي.

د طالبانو د ترافيکو ادارې په کندهار او ننګرهار کې هم له خلکو غوښتې، چې خپل موټر سایکلونه ثبت کړي، ځکه په دې دوو ولایتونو کې هم امنیتي او جنايي پېښې زياتې دي.

یو شمېر سرچینو افغانستان انټرنشنل – پښتو ته وویل، چې اوسني طالب واکمنان د غلچکي او پر امنیتي پوستو د بریدونو د مخنیوي لپاره د موټرسایکلونو د ثبت لړۍ پیلوي.

سرچينه زياتوي، چې دغه پرېکړه د کندهار په وروستۍ غونډه کې طالب مشرانو د امنيتي ادارو له لوړپوړو مسولينو سره کړې، ترڅو د ترافیکي دغو اصولو په عملي کولو سره امنيتي پېښې کابو کړي.

د طالبانو ډېری وسله وال مخالفين زيات مهال پر موټرسایکل وسله وال او غلچکي بريدونه کوي، چې د ډېرو بریدونو هدف طالب امنيتي کسانو وي.

یونیسیف د دوشنبې په ورځ وویل چې هغه امیندواره میرمنې چې د روغتیا پاملرنې متخصص پرته له روغتیایی مرکزونو بهر زیږون کوي ​​د دوی ژوند له جدي خطر سره مخ کوي.

دغې ادارې په مزارشریف کې د نسایي ولادي فهیمې د ژوند کیسه کې لیکلي، "امیندواره میرمنې باید لږ تر لږه څلور ځله د زیږون دمخه یو وړ ډاکټر ته مراجعه وکړي، خو په افغانستان کې یوازې یو پر دریمه برخه میرمنې دا کار کوي."

دغه کارپوه یونیسیف ته وویل چې ډیری امیندواره میرمنې نه پوهیږي چې څنګه د امیندوارۍ پرمهال ځان ته صحي خواړه چمتو کړي.

د روغتیا نړیوال سازمان وايي، په ټول افغانستان کې هره ورځ ۲۴ میندې او ۱۶۷ ماشومان د حمل او ولادت د مخنیوي وړ ناروغیو له امله مري.

ملګرو ملتونو هم افغانستان د میندو د مړینې له پلوه یو له بدو هېوادونو څخه بللی دی.

د روغتیا د نړیوال سازمان د معلوماتو له مخې له ۲۰۱۷ کال راهیسې په افغانستان کې د هرو ۱۰۰ زیږونونو پر سر ۶۳۸ ښځې مړه شوي دي.

د کندهار له سپین بولدک څخه سرچینې افغانستان انټرنشنل ـ پښتو ته د یکشنبې په ورځ د (چنګاښ ۲۵مه) وویل، چې د یادې ولسوالۍ د وېش بازار په سیمه کې ناپيژانده وسله والو د محمد رنګین اڅکزي په نوم د تېر حکومت یو پخوانی نظامي سرتیری په ډزو وواژه.

محمد رنګین اڅکزی د مخکیني حکومت پرمهال په سپین بولدک ولسوالۍ کې د پوله‌ساتو ځواکونو د لوا په لوژستیک برخه کې دنده ترسره کوله.

تردې مهاله په سپین بولدک ولسوالۍ کې د دغه کس د وژل کېدو په اړه څه نه دي ویل شوي.

د محمد رنګین اڅکزي یو ورور محمد سنګین اڅکزی د تېر حکومت د ملي پولیسو د ۰۳ قطعې پخوانی قوماندان و.

د سرچینو د معلوماتو له مخې محمد رنګین اڅکزی تېرکال په سپین بولدک ولسوالۍ کې د ځايي طالبانو له لوري بندي شوی او ربړول شوی و، چې بیا د قومي مشران په منځګړیتوب راخوشې شو.

رنګین اڅکزي د جنرال رازق له کورنۍ سره هم نږدې اړیکې لرلې، د جنرال رازق ورور عبدالخالق د نوموړي په وژنه خواشیني ښودلې او وايي، رنګین اڅکزی د (بې رحمه دښمن له لوري) وژل شوی دی.

د تېر جمهوري حکومت له پرځېدو وروسته د کندهار په سپین بولدک ولسوالۍ کې د تېر حکومت لسګونه نظامیان او د جنرال رازق کورنۍ ته نږدې کسان د طالبانو له لوري وژل شوي او یو شمېر لاهم د طالبانو په شخصي زندانونو کې ساتل کیږي.