د سوریې خلک د پارلمان د وکیلانو د ټاکلو لپاره د رایو مرکزونو ته ولاړل
د سوریې وګړو د دوشنبې په ورځ په سیمه ییز وخت د سهار په اوو بجو د پارلمان د غړو د ټاکلو لپاره رایه اچونه وکړه. د رایه ورکولو بهیر به د ماښام تر اوو بجو دوام وکړي.
د سوریې وګړو د دوشنبې په ورځ په سیمه ییز وخت د سهار په اوو بجو د پارلمان د غړو د ټاکلو لپاره رایه اچونه وکړه. د رایه ورکولو بهیر به د ماښام تر اوو بجو دوام وکړي.
دا په دغه هېواد کې د داخلي کړکېچ له پيل وروسته د سوريې څلورمې پارلماني ټاکنې دي.
د سوريې د عربي جمهوريت خبري اژانس «سنا» د دوشنبې په ورځ د جنګاښ په ۲۵مه راپور ورکړ، چې رايه ورکوونکو په ټوله سوريه کې د رايې ورکولو په ۸۱۵۱ مرکزونو کې خپلې رايې وکارولې.
د دغه راپور له مخې؛ ۱۵۱۶ نوماندان به د ۲۵۰ څوکیو لپاره سیالي وکړي.
د سوریې وروستۍ پارلماني ټاکنې د ۲۰۲۰ کال په جون کې شوې وې.
ويل کیږي، دغه چاودنه ډېره زوروره وه او ورڅېرمه ولسي خلکو ته یې د سر او مال زیانونه اړولي دي.
تر اوسه پورې پاکستاني پوځ په رسمي ډول په دې اړه څه نه دي ویلي.
له سیمې څخه خپلواک خبریال لال وزیر، افغانستان انټرنشنل پښتو ته نن دوشنبه د (چنګاښ ۲۵مه) ويلي چې د خیبرپښتونخوا په بنو ولسوالۍ کې د پاکستاني پوځ پر یوه مرکز لومړی د موټربم دوه ځانمرګي بریدونه وشول او ورپسې نورو وسله والو بریدونه پیل کړل چې د معلوماتو له مخې په دغو بریدونو کې شپږ پاکستاني پوځيان وژل شوي او ۳۰ نور ټپیان دي.
په سیمه کې پولیس چارواکو خبریالانو ته ويلي، چې په دغو بریدونو کې څلور ولسي کسان وژل شوي او ۲۶ نور ټپیان دي.
ویل کیږي لا هم په سیمه کې جګړه روانه ده او د جګړې پر سیمه اوس پاکستانۍ چورلکې ګرځي.
د دغو بریدونو مسوولیت د ټي ټي پي اړوند د حافظ ګل بهادر ډلې منلی او دعوه یې کړې چې په مرکز کې شته ټول پوځي عسکر یې وژلي دي.
