په ننګرهار کې د یوه کور د چت د لوېدو له امله د یوې کورنۍ ۱۱ غړي تر خاورو لاندې شوي
د ننګرهار ولایت په سره رود ولسوالۍ کې د سختو توپانونو او بارانونو له امله د یوه کور د چت د لوېدو له امله د یوې کورنۍ ۱۱ غړي تر خاورو لاندې شوي دي.
د ننګرهار ولایت په سره رود ولسوالۍ کې د سختو توپانونو او بارانونو له امله د یوه کور د چت د لوېدو له امله د یوې کورنۍ ۱۱ غړي تر خاورو لاندې شوي دي.
د طالبانو تر واک لاندې باختر خبري اژانس د پېښې له سیمې د یوې ویډیو په خپرولو سره ویلي، چې دا پېښه د یادې ولسوالۍ په مستي خېلو کلي کې شوې ده.
سره له دې چې د یادو کسانو د ژغورلو لپاره هڅې روانې دي، خو د لومړنیو راپورونو له مخې ویل کیږي، چې دغه بند پاتې شوي کسان مړه شوي دي.
د ننکرهار ولایت په یو شمېر ولسوالیو کې له تېرې ورځې راهیسې سخت وروښتونه او بادونه روان دي، چې ډېر شمېر کسانو ته یې تلفات اړولي دي.
د هېواد په بېلابېلو ولایتونو کې د سږکال وروښتونو ډېری خامه او خټین کورونه له ورته پېښو سره مخامخ کړي، چې سلګونو کسانو ته پکې مرګ ژوبله اوښتې ده.
د افغانستان ډېری خلک د ناوړه اقتصادي وضعیت له امله په پخوانیو او زړو کورونو کې ژوند کوي، چې دغه پخواني کورونه بیا د وروښتونو او سېلابونو پر وړاندې مقاومت کولی نه شي.
