پاکستاني رسنۍ: کوهاټ کې د ډبرو سکرو په کان کې چاودنې درې کان کیندونکي مړه کړي

د کرېکټ نړیوالي شورا د معلوماتو له مخې، د ۲۰۲۴ کال د ښځو شل اوره اسيا جام نهم پړاو د سريلانکا په کوربتوب د راتلوونکې جمعې په ورځ پيلږي.

په دې سياليو کې ۸ لوبډلې « بنګلدېش، هند، پاکستان، سریلانکا، ماليزيا، نيپال، تايلنډ او متحده عربي امارات» برخه لري.

د ۲۰۲۴ کال د ښځو شل اوره اسيا جام سيالۍ به د رواني جولای مياشتې پر ۱۹ نېټه پيل او د همدې مياشتې تر ۲۸ نېټې به دوام وکړي.

دوه ګروپه سیالۍ

د دې جام سيالۍ پر دوو ګروپونو ويشل شوې دي.

په لومړي ګروپ کې به « بنګلدېش، هند، پاکستان او سريلانکا» سره لوبېږي.

په دوهم ګروپ کې به « ماليزيا، نيپال، تايلنډ او متحده عربي امارت» یو د بل په وړاندي ولوبيږي.

په دې جام کې ټولې ۱۵ سيالۍ تر سره کيږي.

د سريلانکا کرېکټ بورډ هم پر خپله اېکس پاڼه د پاکستان او هند ښځينه لوبډلو ته ښه راغلاست ویلی دی.

د پاکستان پوځ د (سه‌شنبې په ورځ د چنګاښ ۱۷مه) د ېوې خبرپاڼې په خپرولو سره ویلي، چې دغه برید د خیبر پښتونخوا د ډېره اسماعیل خان ولسوالۍ اړونده سیمې کې پرون ناوخته شوی او وسله‌والو د یوه روغتیايي مرکز کارکوونکي په نښه کړي دي.

ډان ورځپاڼې د پاکستان د پوځ له قوله ویلي، چې پوځي ځواکونو په ځوابي برید کې «درې تنه ترهګر» له منځه وړي؛ خو د دوی دوه تنه سرتېري هم ووژل شول.

ډان د پوځي سرچېنو له قوله ویلي، په برید کې ټول ټال اووه کسه وژل شوي چې دوه تنه یې د دغه روغتیايي مرکز ښځینه کارکوونکې، دوه ماشومان، یو تن یې د مرکز ساتونکی او دوه تنه نور یې پوځیان وو.

دغه برید له وروستي برید یوه ورځ وروسته شوی، چې له امله یې د پاکستاني پوځ اته تنه سرتېري د خیبر پښتونخوا په «بنو»‌ کې وژل شوي وو چې پړه یې د حافظ کل بهادر ډلې منلې وه.

پاکستاني چارواکي وايي، له هغه مهاله چې طالبان په افغانستان کې واک ته رسېدلي، ورسره هم‌مهاله په دغه هېواد کې ترهګریزو بریدونو هم زور اخیستی.

د دوی په وینا، د پاکستان تحریک طالبان ډلې په افغانستان کې پټنځایونه لري او ټول دغه بریدونه له هغه ځایه پلانیږي؛ خو طالبانو تل دغه ادعاوې ردې کړې دي.

که څه هم چې د دغه وروستي برید پړه چا پر غاړه نه ده اخیستې؛ خو ټي‌ټي‌پي په یوه خپره شوې خبرپاڼه کې ویلي، چې دوی نه یوازې چې دغه برید نه دی کړی؛ بلکې پر عامه ځایونو او د ولسي وګړو پر مرګ ژوبله خواشیني دي او د دغه برید غندنه کوي.
د دغې ډلې ویاند محمد خراساني ویلي، چې د دوی د بریدونو موخه یوازې او یوازې د پاکستان امنیتي ځواکونه دي او پر عامو او ولسي خلکو او ودانیو بریدونه د دوی کار نه دی.

د غزې د روغتیا وزارت وایي، چې په خان یونس کې د بې ځایه شویو کورنیو د خیمو یوې سیمې ته نږدې د اسراییل په هوايي برید کې د ماشومانو په ګډون لږ تر لږه ۱۷ فلسطینیان وژل شوي او ۲۶ نور ټپیان شوي دي.

بل خوا د غزې د دولتي رسنیو دفتر وایي، اسراییل په مرکزي غزه کې د نصیرات د کډوالو په کمپ کې په یوه ښوونځي برید کړی، چې لږ تر لږه ۲۳ فلسطینیان یې وژلي او ۷۳ نور یې ټپیان کړي دي.

په غزه کې روغتونونه ډک شوي او ډاکټران ستړي شوي دي.

د غزې د روغتیا وزارت غوښتنه کړې، چې نړۍوال طبي هییتونو ته دې غزې ته د ننوتلو اجازه ورکړل شي.

اسراییل د دوشنبې په ورځ هم د غزې په سوېل او مرکزي سیمو کې تازه بریدونه کړي، چې پر حماس لا زیات فشار راوړلي.

د شنبې او یکشنبې په ورځ اسراییل د حماس د پوځي مشر د په نښه کولو په موخه پر خوندي سیمو بمباري وکړه او لسګونه فلسطینیان یې ووژل.

د اکتوبر له اوومې راهیسې په غزه کې د اسراییل په جګړه کې لږ تر لږه ۳۸ زره او ۷۱۳ فلسطینیان وژل شوي او ۸۹ زره او ۱۶۶ نور ټپیان دي.

د اکټوبر له ۷مې نېټې راهیسې د حماس تر مشرۍ لاندې د بریدونو له امله یو زرو ۱۳۹ تنه وژل شوي او لسګونه کسان لا هم په غزه کې بندیان دي.

په ټولنیزو رسنیو کې د بنو د یو شمېر اوسېدونکو هغه ویډیوګانې خپرې شوي، چې پکې د پاکستاني پوځیانو ډزې ښودل کیږي.

د بنو یوه اوسېدونکي د پاکستاني پوځیانو له دغه برید وروسته یوه ویډیو خپره کړې او پکې یې ویلي، چې پاکستاني پوځیان ورسره زیاتی کوي.

هغه وویل: "شهباز شریف ستا زوی دې مړ شي، علي امین کنډاپور ستا کورنۍ دې مړه شي، چې زموږ پوښتنه نه کوئ او دا پنجابي ظالمان مو پر موږ مسلط کړي دي".

د بنو یوه بل اوسېدونکي اسماعیل بیا ویلي، چې پاکستانۍ رسنۍ د دوی خبرونه نه خپروي او که د بنو په اړه کوم خبر خپروي د پوځ په ګټه یې خپروي.

هغه زیاته کړه: "موږ دلته سوځیږو، بچي یې را ووژل، کورنۍ یې راتباه کړې او هېڅوک زموږ په کیسه کې نه دي، دا نن یې اووه کسان په بازار کې په ډزو بې ګناه او بې خطا را ووژل، موږ چېرې لاړ شو؟"

خو بل خوا د پاکستان پوځ وايي، په ډېره اسماعیل خان کې پر یوه ځايي روغتون د پاکستاني طالبانو په برید کې د دوو سرتېرو په ګډون اووه کسان وژل شوي دي.

دوی زیاتوي، په دې نښته کې درې وسله وال هم وژل شوي دي.

د پاکستان پوځ وايي، چې پاکستاني طالبانو د دوشنبې په شپه د خیبر پښتونخوا ایالت د دیره اسماعیل خان ولسوالۍ په کري شموزۍ سیمه کې پر یوه سیمه ییز روغتون برید وکړ.

پوځ وايي، چې په بريد کې د ښځو او ماشومانو په ګډون پنځه ملکي وګړي او دوه د اردو سرتېري وژل شوي دي.

دا په تېرو ۲۴ ساعتونو کې په خیبر پښتونخوا ایالت کې پر پاکستاني امنیتي ځواکونو دویم برید دی.

هغه به د سیاسي ګوندونو او اتحادیو سره د هغه څه په اړه مشوره وکړي، چې پرون د اطلاعاتو وزیر وویل.

اسحاق ډار په لاهور کې له خبریالانو سره په خبرو کې وویل، چې فیصله به سیاسي نه؛ بلکې د اساسي قانون مطابق وي.

د يوې پوښتنې په ځواب کې اسحاق ډار وويل، چې پي ټي اې هغه ګوند دى، چې د يهودانو او عيسايانو له خوا هم تمويلېږي، په دې اړه ټول ثبوتونه شته چې پي ټي اې له بهر څخه تمويلېږي، بايد قانوني اړخونه په نظر کې ونيول شي.

نوموړي زیاته کړې، چې دوی ملي امنیت او ثبات ته لومړیتوب ورکوي، هر هغه څوک چې د ملي امنیت خلاف کار کوي باید د اساسي قانون له مخې مجازات شي.

ډار وويل مسلم ليگ(ن) يا پیپلز پارټي د حکومت کولو لیوالتیا نه لرله او که چېرې دوی حکومت نه وى نيولى؛ نو پاکستان به خراب شوى وى.

د پاکستان د اطلاعاتو وزیر عطا تارر پرون دغه ګوند له هند او اسراییل څخه د مالي مرستو په تر لاسه کولو تورن کړ.

نوموړی وايي، چې د تحریک انصاف ګوند د فعالیتونو د بندېدو په اړه به د دې هېواد کابینه غونډه وکړي.
ښاغلي تارر په اسلام اباد کې د یوې خبري غونډې پرمهال وویل، چې د تحریک انصاف په شتون کې د پاکستان پر مختګ ناممکن دی.
د پاکستان د اطلاعاتو وزیر وایي: «د تحریک انصاف بهرني مالي ملاتړ، د می د نهمې ګډوډیو او په امریکا کې تصویب شوې پرېکړه لیک ته په کتو سره مونږ په دې باور یو، چې ډېر معتبر شواهد شته چې ښيي د یاد ګوند فعالیتونه به منع شي».
عطا تارر ټينګار وکړ، چې د دې هېواد دولت جدي پرېکړه کړې څو د تحریک انصاف ګوند فعالیتونه منع کړي.
نوموړي زیاته کړه، چې د اساسي قانون ۱۷مې مادې دا حق دولت ته ورکړی، چې سیاسي ګوندونه ممنوع کړي او دا موضوع به د هېواد عالي دیوان ته هم راجع شي.
د پاکستان د اساسي قانون د ۱۷می مادې دویم بند وایي: «هر هغه کس چې د پاکستان رسمي کارکوونکی نه دی، د یوه سیاسي حزب د جوړېدو او یا پکې د غړیتوب حق لري، مشروط پر دې چې د هېواد د ګټو لپاره یې معقول محدودیتونه وضع کړي دي، لکه د پاکستان ارضي تمامیت او حاکمیت ته زیان رسول.»
دا په داسې حال کې ده، چې یو شمېر کارپوهان د پاکستان د حکومت دغه اقدام د دې هېواد په ملي اسمبلۍ کې د عمران خان د ګوند د تر ټولو لوی ګوند د جوړېدو د مخنیوي یوه هڅه بولي.
تارر دغه راز ویلي، چې د تحریک انصاف ګوند د خپلو سیاسي ګټو لپاره د پاکستان په ضد هوکړه لیک سره هڅه کړې چې ډېپلوماتیکې اړیکې زیانمنې کړي.