سپینې ماڼۍ ویلي، چې د امریکا ولسمشر جوبایډن د کرونا په ناروغۍ اخته شوی او د ناروغۍ لږې نښې لري. د دغه خبر له مخې، چې په لاس ویګاس کې په یوې غونډې کې له ګډون وروسته د هغه ازموینه مثبته وښته، په دلاور ایالت کې به په خپل کور کې قرنطین شي.
د سپینې ماڼۍ ویاند ژان پيیر د ښاغلي بایډن د ډاکټر په حواله وویل چې هغه د چهارشنبې په ورځ تنفسي نښې درلودې او پزه یې بهیږي، خو په ټوله کې ښه دی.
هغه زياته کړه، چې د پاملرنې او درملنې په موده کې به خپلې ټولې دندې ترسره کړي.
ټاکل شوې وه چې ښاغلی بایډن په لاس ویګاس کې په یوه بله غونډه کې برخه واخلي، خو ویل شوي چې د کرونا له مثبتې ازموینې وروسته به په دې مراسمو کې ګډون ونه کړي.
