د بښنې نړۍوال سازمان وایي، چې د بنګله دېش په لاریونونو کې تر ۱۷۰ ډېر کسان وژل شوي او زرګونه نور ټپیان دي. دغه لاریونونه د ۲۰۲۴ کال د جولای په لومړۍ نېټه وروسته له هغه پیل شول، چې د بنګله دېش عالي محکمې د دولتي دندو لپاره د کوټې سیسټم بېرته نافذ کړ.
خو د بنګله دېش سترې محکمې له یوې اونۍ خونړیو لاریونونو وروسته دوه ورځې مخکې په حکومتي دندو کې د بنګله دېش د ازادي اخیستونکو د کورنیو لپاره ورکړل شوې برخه کمه کړه.
له بل پلوه د بنګله دېش حکومت د دغه هېواد په ځینو برخو کې پر انټرنېټ بندیز لګولی و او د شنبې په ورځ یې ګرځبندیز هم اعلان کړی و.
همدارنګه د بنګله دېش حکومت ښوونځي او پوهنتونونه د پراخو لاریونونو له امله د نامعلومې مودې لپاره تړلي دي.
د بښنې نړۍوال سازمان بیا وايي، په بنګله دېش کې اسناد تاییدوي، چې پولیسو د زدهکړیالانو لاریونوالو پر وړاندې ناقانونه ځواک کارولی دی.
د دغه سازمان په وینا، د بنګله دېش چارواکو لهخوا د معترضانو پر وړاندې دغه ډول کړنه هېښوونکې او د ناقانونه ځواک کارول د نړۍوال بشري قانون سره په ټکر کې چاره ده.
