د ایران د سپاه پاسداران اړوند تسنیم خبري اژانس خبر ورکړی، چې د جیش العدل ډلې اړوند د چاودېدونکو توکو لېږدوونکو یوه څلور کسیزه ډله یې په خاش کې نیولې ده. تسنیم په خپل راپور کې دا نه دي ویلي، چې ایا دوی په ځانګړو هدفونو د برید په لټه کې وو او که څنګه.
دغه خبري اژانس زياته کړې، چې د دغو کسانو له نيولو سره اووه کلاشينکوفونه، درې امريکايي اېم ـ ۴، درې ار پي جي توغندي او څلور مخابراتي دستګاوې یې هم ترلاسه کړې دي.
د تسنیم د راپور له مخې، د جیش العدل د وسلهوالې ډلې د دغو غړو د نیولو عملیات د سیمهییزو خلکو د معلوماتو پر بنسټ تر سره شوي دي.
راپور زیاتوي، چې دغه څلور کسیزه ډله د ایران په سوېل ختیځ کې د دغې ډلې سره اړوند په یوه کور کې اوسېده.
تسنیم د ایران د ډېرو چارواکو او دولتي رسنیو په څېر د جیش العدل ډله د "جیش الظلم" په نوم یادوي.
دا ډله له ځینو ایراني سني مذهبو څخه جوړه ده، چې د سیستان بلوچستان ولایت په سوېل ختیځو سیمو کې د اسلامي جمهوریت پر ضد وسلهوال فعالیتونه کوي.
