باوري سرچینې وايي، نن سهار د شمالي وزیرستان په میرعلي کې ناڅرګندو وسله والو د ملک نور محمد په ګډون درې ولسي کسان په یوه هدفي برید کې وژلي دي. پولیس د دغې پېښې پخلی کوي او وايي، بریدګر له سیمې تښتېدلي دي.
باوري سرچینو نن چهارشنبه د (زمري ۱۰مه) افغانستان انټرنشنل پښتو ته ويلي، چې ناڅرګندو وسله والو نن د سهار نهه بجې د میرعلي په بازار کې پر ملک نورمحمد او زوی یې ډزې وکړې چې هغوی دواړه ځای پر ځای ووژل شول او په دغو ډزو کې د پېښې ځای ته نږدې یو ۱۲ کلن ماشوم هم ووژل شو.د دغه برید په اړه تر اوسه پورې کومې وسله والې ډلې څه نه دي ويلي.له سیمې خپلواک خبریال لال وزیر افغانستان انټرنشنل پښتو ته وویل، چې دوه تنه وژل شوي زوی او پلار د میرعلي اوسېدونکي او وژل شوی ماشوم د شیوا اوسیدونکی دی.د ميرعلي د پولیسو مشر جانزيب د دغې پېښې د پخلي تر څنګ وايي، چې بریدګر له سیمې په تېښته بریالي شوي او د دوی پلټنې پسې روانې دي.په دې ورستيو کې په میرعلي او لوی وزیرستان کې پر ولسي خلکو هدفې بريدونه ډیر شوي او ځايي خلک حکومت د خلکو په امنیت ساتلو کې پاتې بولي.د یوه بل خبر له مخې د خیبرپښتونخوا د خیبر په جمرود کې هم نن سهار د پولیسو پر یوې پوستې وسله والو برید کړی چې په پایله کې یې یو پولیس وژل شوی او بل ټپي دی.د دغه برید مسوولیت تحریک طالبان پاکستان منلی دی.
د رسمياتو له مخې؛ د چارواکو د څوکۍ ترتیب د هېوادونو په ډېپلوماتیکو اړیکو کې لومړیتوبونه په ګوته کوي.
په لومړي صف کې د حماس د سیاسي دفتر مشر اسماعیل هنیه او د یمن د حوثي یاغیانو ویاند محمد عبدالسلام ځای لري.
د طالبانو د رییس الوزرا سیاسي مرستیال عبدالکبیر په څلورم قطار کې ولاړ دی.
په همدې حال کې عبدالکبیر د طالبانو د رژیم یو له مهمو شخصیتونو څخه دی او د طالبانو د رییس الوزرا ملا حسن د ناروغۍ له امله ځیني وخت کې د دغې ډلې د رییس الوزرا رول لوبوي.
په څلورم صف کې د هغه ځای پر ځای کېدل ښيي، چې د ایران اسلامي جمهوریت په افغانستان کې د طالبانو رژیم ته ډېر اهمیت نه ورکوي.
تر دې وړاندې ایراني رسنیو هم د مسعود بزشکیان د لوړې په مراسمو کې د ګډون لپاره د طالبانو د پلاوي د انځورنه په حواله دا موضوع مطرح کړې وه.
د ایران د دیارلسم ولسمشر ابراهیم رییسي د لوړې په مراسمو کې د پخواني جمهوري دولت ولسمشر محمد اشرف غني ګډون کړی و، چې د ډېپلوماتیک عرف په اساس په لومړي قطار کې ولاړ و.
عکسونو ښودلې، چې د ایران اسلامي جمهوریت د طالبان پر وړاندې د حماس او حوثیانو په پرتله ټیټ دریځ لري.
لوېدیځ هېوادونه د یمن حوثي او حماس د ایران اسلامي جمهوریت نیابتي ډلې ګڼي.
طالبان له ایران سره هم نږدې اقتصادي او ډېپلوماتیکې اړیکې لري.
په دې وروستیو کې ایران اسلامي جمهوریت د مشهد کونسلګرۍ دغې ډلې ته وسپارله.
ایراني چارواکو اعلان کړی، چې د دغه هېواد د نوي ولسمشر مسعود بزشکیان د لوړې په مراسمو کې د ۸۶ هېوادونو مشرانو او چارواکو حضور درلود.
دغه راز د تاجکستان ولسمشر، د پاکستان د لومړي وزیر مرستیال او د ارمنستان لومړی وزیر هم کډون کړی و.