د پاکستان د ترهګرۍ سره د مبارزې ملي ادارې د حافظ ګل بهادر او د بلوڅ بېلتونپالو مجید لېوا په نوم ډله د ترهګرو ډلو په نوملړ کې شاملې کړې او د هغوی پر ټولو فعالیتونو یې بندیزونه لګولي دي.
دغو دواړو ډلو تر دې وړاندې د تحریک طالبان پاکستان او بلوڅ وسلهوالو ډلو سره تړاو لاره.
د پاکستان ډان ورځپاڼې د پنجشنبې په ورځ (د اګسټ په لومړۍ نېټه) راپور ورکړی، چې د ترهګرۍ سره د پاکستان د ملي ادارې په نوملړ کې د ترهګرو ډلو نوملړ ۸۱ ډلو ته رسېدلی دی.
دغې ادارې په روان کال کې د درېیو نویو ډلو نومونه هم په دغه نوملړ کې ور زیات کړي دي.
د حافظ ګل بهادر په مشرۍ ډله د پاکستان پر ضد تر ټولو مهمه ډله ده، چې تر دې وړاندې د تحریک طالبان پاکستان په اډانه کې د یوې څانګې په توګه پېژندل کېده.
دغې ډلې په پاکستان کې د امنیتي ځواکونو پر ضد ګڼ مرګوني بریدونه کړي دي.
پاکستان ادعا کوي، چې دغه ډله د تحریک طالبان پاکستان تر څنګ د افغانستان د ننه پوځي مرکزونه او روزنځایونه لري.
د تیپ مجید ډله نوې د یوې خپلواکې ډلې په توګه د پاکستان په ترهګریزو ډلو کې شامله شوې ده.
تر دې مخکې دغه ځواکمنه ډله د «بلوڅو د ازادي غوښتونکي پوځ» په نامه پېژندل کېده.
دغې ډلې له ۲۰۱۱ کال راهیسې د پاکستان پوځ پر ضد ډېر بریدونه سمبال او ترسره کړي دي.
د پاکستان د ترهګرۍ پر وړاندې د مبارزې ملي ادارې د روان کال په مارچ میاشت کې د ایران د سپاه پاسداران سره تړلې د زینبیون لښکر ډله هم په ترهګریز نوملړ کې شامله کړې وه.
بالاخره په ۱۹۶۲ کال کې په دغه کورنۍ کې فلسطیني سیاستوال اسماعیل هنيه وزېږېد.
هنیه د همدې جګړو پرمهال لوی شو او په هغه ښوونځي کې شامل شو، چې د ملګرو ملتونو له خوا بې ځایه شویو فلسطینیانو ته جوړ شوی و.
نوموړي د ښوونځي له پایته رسولو وروسته د غزې په اسلامي پوهنتون کې د عربي ادبياتو په برخه کې لوړې زده کړې وکړې.
اسماعیل هنیه چې په شپاړس کلنۍ کې د خپل تره لور امال هنیه سره واده کړی و، د اته زامنو او پنځه لوڼو خاوندان شول.
هنیه له ۱۹۸۰مې لسیزې د حماس غړیتوب ترلاسه کړی و او د وخت په تېرېدو سره د دغه غورځنګ پر مهمې او اغېزناکې څېرې بدل شو.
په ۲۰۰۷ کال کې حماس د غزې کنټرول ترلاسه کړ او هنیه د لنډ وخت لپاره په غزه کې د لومړي وزیر په توګه خپل کار ته دوام ورکړ.
له هغې ورځې چې اسماعیل هنیه سیاسي فعالیتونه پیل کړل په ځلونو بندي، تبعید او ټپي شو او ان د خپلې کورنۍ غړي یې له لاسه ورکړل، خو د فلسطین د خپلواکه کېدو له مبارزې لاس پر سر نه شو.
نوموړی چې د خالد مشعل ځای ناستی و، په وروستیو کلونو کې یې په جلا وطنۍ کې له قطر څخه د دې ډلې سیاسي چارې سمبالولې او له ډېرې مودې راهیسې غزې ته نه و تللی.
ښاغلی هنیه چې په ۲۰۱۷ کال کې د حماس د سیاسي دفتر د مشر په توګه وټاکل شو، د اسراییل ملاتړي امریکا بیا هغه په ۲۰۱۸ کال کې د ترهګرو په ډله کې راوست او پر هغه یې بندیزونه ولګول.
حماس د تېر کال په اکټوبر میاشت کې تر هغه وروسته بیا ځلې د نړۍوالو رسنیو سر ټکی وګرځېد، چې یادې ډلې پر اسراییل بریدونه وکړل چې له امله شاوخوا زر اسراییلیان ووژل شول او لسګونه نور د حماس له خوا یرغمل ونیول شول.
اسراییل بیا د حماس د بریدونو په ځواب کې ځمکني او هوایي عملیات په غزې پیل کړل، چې له تېر یوه کال راهیسې نږدې ۴۰ زره فلسطینیان وژل شوي او زرګونه نور ټپيان دي.
د دغو جګړو د پایته رسولو په موخه د اسماعیل هنیه په کلیدي رول سره د مصر، قطر او د امریکا په منځګړیتوب له څو میاشتو راهیسې مذاکرات روان ول، خو دغه مذاکرات لا کومې پایلې ته نه و رسېدلي، چې نوموړی د ایران د نوي ټاکل شوي ولسمشر د لوړې په مراسمو کې د ګډون په موخه تهران ته ولاړ.
دا په ایران کې د نوموړي له وروستیو انځورونو څخه یو دی.
اسماعیل هنیه د اسراییل له تعقیبولو سره سره بالاخره نن سهار وختي په تهران کې په خپل استوګنځي کې د یوه برید له امله ووژل شو.
له دې پېښې سره حماس ډلې یوه اعلامیه خپره کړه او په ایران کې یې د نوموړي ترور تایید کړ.
د ایران دولتي رسنیو راپور ورکړی، چې د ایران د اسلامي جمهوریت رهبر علي خامنه يي به د پنجشنبې په سهار (د زمري ۱۱مه) د اسماعیل هنیه جنازه وکړي.
د دغه راپور له مخې؛ دغه جنازه به د تهران په پوهنتون کې د سهار په ۸:۳۰ بجو ترسره شي.
د اسماعیل هنیه پر وژنې د نړۍ د اسلامي هېوادونو مشرانو خپل توند غبرګون ښودلی او ویلي یې دي، چې دا پېښه د منځي ختیځ کړکېچ لا پیچلی کولی شي.
د ایران د بهرنیو چارو وزارت په ټينګار سره وویل، چې د هنیه وینه نه ضایع کیږي او د نوموړي په وژنې سره د ایران او فلسطین ترمنځ اړیکې لا پراخې شوې.
د یادولو ده، چې دغه وزارت د یوې بیانیې په خپرولو سره د «اسماعیل هنیه په وژلو کې امریکا له اسراییل سره په لاس لرلو تورنه کړې ده.