د بامیان ولایت په شیبر ولسوالۍ کې د یوې ترافیکي پېښې له امله ۷ کسانو ته مرګژوبله اوښتې ده. د طالبانو تر واک لاندې باختر خبري اژانس د یاد ولایت د والي د ویاند له قوله ویلي، چې په دې پېښه کې پنځه کسان مړه شوي او دوه نور ټپيان دي.
صبوران فرزان سیغاني زیاته کړې ده، چې دا پېښه تر هغه وروسته د شیبر ولسوالۍ په پایموري سیمه کې شوې ده، چې یو کرولا موټر له یو باروړونکي موټر سره ټکر وکړ.د نوموړي په خبره، دا پېښه نن له غرمې مخکې شوې او د یو ټپي وضعیت د اندېښنې وړ دی.ددې پېښې لامل د کرولا موټر بې احتیاطي بلل شوې ده.دا په داسې حال کې ده، چې تېره ورځ د کاپیسا ولایت په اله سای ولسوالۍ کې هم د یوې ترافیکي پېښې له امله پنځه کسان مړه شوي او درې نور ټپیان شوي وو.د سړکونو خرابوالی، د موټر چلوونکو بې احتیاطي، د ترافیکي نښو نه شتون او د ترافیکي اصولو په پام کې نه نیول د خونړیو ترافیکو پېښو لاملونه بلل کیږي.څه موده وړاندې د طالبانو د ترافیکو عمومي ریاست ویلي وو، چې هرات، غزني او پکتیکا هغه ولایتونه دي، چې سږکال پکې ډېرې ترافیکي پېښې شوې دي.
دوی زیاتوي امان الله دوه ورځې وړاندې د مومندرې په لنډي خیبر کې هغه مهال وژل شو، چې خپلې دندې ته د تلو لپاره تورخم ته په لاره و.
دغه وژل شوي طالب په تورخم ښارګوټي کې د امربالمعروف په مدیریت کې د محتسب په توګه دنده درلوده.
د ننګرهار ځايي چارواکو ددغه طالب د وژل کېدو او د دې پیښې د څرنګوالي په اړه رسمي څه نه دي ویلي او نه هم کومې ډلې د دې برید پړه منلې ده.
نوموړی هغه طالب محتسب بلل کېږي چې په تورخم ښارګوټي کې یې تېره میاشت د غازي امان الله خان او پښتون ملتپال مشر باچا خان انځورونه تور کړي وو.
تر دې پېښې څه مهال وروسته په تورخم کې د علي محمد خان او شریف اخوندخېل په نوم د لاریو موټروانانو پاچا امان الله خان غازي له انځوروه تور رنګ پاک کړ.
خو په همغه ورځ طالبانو دا موټروانان ونیول.
طالبانو بیا د شاه امان الله خان د انځور له خرابولو وروسته د هغه د انځور پر ځای د خپل «اسلامي امارت» بیرغ او نوم رسم کړ.
طالبانو په تېر کې هم د هر ډول عکسونو او انځورونو پر وړاندې مخالفت څرګند کړی او د دې ډلې د امر باالمعروف ډلې د انسانانو او ساکښو ژویو عکسونه تور کړي او یا یې له لیک دړو لرې کړي دي.