اسراییل: اردوغان د حماس د انسان وژونکو په ملاتړ سره ترکیه په یوې ډیکټاټورۍ بدلوي

د اسراییل د بهرنیو چارو وزیر وایي، چې د ترکیې ولسمشر رجب طیب اردوغان د حماس د انسان وژونکو په ملاتړ سره ترکیه په یوې ډیکټاټورۍ بدلوي. یسراییل کاټز وایي؛ اردوغان یو داسې هېواد ته د برید ګواښ کړی، چې هیڅکله یې پوځي نښته ورسره نه درلوده.

د کاټز په خبره، اردوغان د فلسطین په مسله کې د نړۍ د تګلارې پروړاندې درېدلی او له حماس څخه ملاتړ کوي.
نوموړي دغه راز زیاته کړې، چې د ترکیې ولسمشر د انستاګرام ټولنیزه پاڼه چې شاوخوا ۵۷ میلیونه کاروونکي یې درلودل بنده کړی، د یوه اسراییلي ورزشکار پروړاندې د یو ترکي ورزشکار د ماتې له امله یې ورزشي نشرات بند او داسې یو هېواد ته یې د برید ګواښ کړی، چې هیڅکله یې ورسره پوځي نښتې نه دي کړي.
کاټز همداراز اردوغان له اسراییل سره د سوداګریزو اړیکو په پرېکولو تورن کړ
کاټز همداراز پر اردوغان تور پورې کړ، چې له اسراییلو سره یې سوداګریزې اړیکې پرې کړې، چې له امله یې ترکي صادرونکي هر کال شپږ میلیارده ډالر زیان ورکوي.
د ویلو ده، چې ترکیې په تهران کې د حماس د سیاسي دفتر د مشر د ترور په غبرګون په تل ابیب کې خپل بیرغ نیمه ځوړنډ کړی دی او اسراییل بیا د ترکیې د دې اقدام په تړاو په دې هېواد کې د ترکیې د سفیر مرستیال احضار کړی.