په بلوچستان کې د پولیو دوه نوې مثبتې پېښې ثبت شوې

په خواله رسنیو کې هم ځینې ویډیو ګانې لاس په لاس کېږي، چې د پولیسو له‌خوا د علي وزیر د نیولو پخلی کوي.

دا رنګه په یوې ویډیو کې په خپله علي وزیر هم لیدل کېږي، چې د اسلام اباد په یوه روغتون کې دی او وايي چې نوموړی د پولیسو له‌خوا نیول شوی او تاوتریخوالی هم ورسره شوی دی.

په اسلام اباد کې د پښتون ژغورنې غورځنګ یو غړي کامران خان افغانستان انټرنشنل پښتو ته د علي وزیر د نیول کېدو پخلی کړی؛ خو د هغه د نیولو په لامل یې جزییات ورنګړل.
په خواله رسنیو کې د خپرو شویو ویډیوګانو بر بنسټ نوموړي، یو ټپي کس د درملنې لپاره د پمز روغتون ته لېږدولی و، چې ناببره د پولیسو له‌خوا ونیول شو.
د اسلام اباد پولیسو په دې اړه تر اوسه څه نه دي ویلي او د پښتون ژغورنې غورځنګ له‌خوا هم تر دې مهاله په روښانه ټکو کې کوم دریځ نه دی څرګند شوي.
علي وزیر تر دې وړاندې هم څو، څو ځلې پولیسو نیولی او په هره پلا پولیس چارواکو د هغه د نیول کېدو لامل د پاکستان د ملي ګټو پر خلاف څرګندونې او دریځ بللی و؛ خو دا پلا د ده د نیول کېدو سبب نه دی روښانه شوی.
علي وزیر هغه مهال چې د پاکستان د پارلمان غړی هم و نیول شوی و، چې بیا له یوې مودې وروسته له بنده خوشې شوی و.

یهودیان د خپل لومړي او دویم معبدونو د ویجاړولو په ماتم کې د «تیشا بیاو» په ورځ روژه نیسي.

د ایران د اسلامي جمهوریت مشر علي خامنه اي مخکې خبرداری ورکړی و، چې اسراییل د اسماعیل هنیه په وژلو سره «د ځان لپاره د سختې سزا زمینه برابره کړه.»

نیویارک ټایمز ورځپاڼې هم راپور ورکړی، چې علي خامنه اي امر کړی چې د هنیه د وژلو په غچ کې دې اسراییل په مستقیمه توګ په نښه شي.

د رویټرز خبري اژانس د راپور له مخې، ترکیې د دې شبکې په کارولو د بندیز لامل او موده نه ده ښودلې، خو دغه اقدام د ترکیې د ولسمشرۍ د ارتباطاتو د مرکز د مشر فخرالدین التون له څرګندونو وروسته شوی دی. التون د چهارشنبې په ورځ (د زمري ۱۰مه) د هنیه د مړینې لپاره د کاروونکو د خواخوږۍ پوسټونو بندولو له امله پر اسټاګرام انتقاد وکړ.

هغه وايي: «موږ انسټاګرام ته د ځینو سرغړونو په اړه خبرداری ورکړی و. موږ غواړو چې ځینې مقررات تعقیب شي، موږ مداخله کوو کله چې دوی قانوني مقررات او عامه حساسیتونه له پامه غورځوي.»

د حماس د سیاسي دفتر د مشر اسماعیل هنیه له مړینې وروسته انسټاګرام د هغه په ​​اړه ځینې پوسټونه لرې کړي دي.

د ترکیې د ترانسپورت او زیربنا وزیر عبدالقادر اروغلو وویل: «له دوی سره په تماس کې یوو، زموږ حساسیتونه روښانه دي، څومره ژر چې دوی دا نیمګړتیاوې سمې کړي، موږ به بندیز لرې کړو.

هغه زیاته کړه: «دا هېواد قوانین او مقررات لري.» خو هغه روښانه نه کړه چې نیمګړتیاوې څه دي.

د انټرنېټ څارونکي نټ بلوګز وویل، چې د جمعې په ورځ د محکمې له حکم وروسته په ترکیه کې انسټاګرام ته لاسرسی محدود شوی دی.

د ترکیې د مخابراتو مشر فرحتین التون د چهارشنبې په ورځ په انسټاګرام باندې د هغه څه له امله انتقاد وکړ چې هغه یې په تهران کې د هنیه له وژل کیدو وروسته د خواخوږۍ پوسټونو بندولو پریکړه بولي.

هغه پر خپلې اېکس پاڼه لیکلي: «ساده او واضیح یې وایم دا سانسور دی.»

میټا شرکت تر اوسه د دې بندیز یا التون د څرګندونو په اړه څه نه دي ویلي.

ترکیه د هغو هېوادونو په لېست کې شامله ده، چې د بیان له ازادۍ څخه سرغړاوی کوي او په ځلونو یې د خپلو مخالفینو پر ضد له سانسور څخه کار اخیستی دی.

په تېرو کلونو کې دغه هېواد په پرله پسې ډول د بېلابېلو دلایلو له مخې ټولنیزې شبکې لکه فیسبوک، یوټیوب او اېکس بندې کړې دي.

د هند په سویلي ساحلي ایالت کیرالا کې سخت باران د سې شنبې په سهار د وایاناډ له غرونو پیل شو، چې د سختې ځمکې ښوینې لامل شو. د باران له امله، د اوبو، خټو او ډبرو ټولګو خلک لاندې کړل چې ډیری یې په خوب ویده وو او د مرګ په خوب یې ویده کړل.

چارواکي وایي، دا په کیرالا کې د ۲۰۱۸ کال د وژونکي سیلابونو راهیسې ترټولو ناوړه ناورین دی، چې د ۲۰۵ کسانو د مړینې لامل شوی او نږدې ۲۰۰ کسان لا تر اوسه ورک دي. ځايي اسیانټ ټلويزيون ويلي، چې تر ۳۰۰ ډېر کسان مړه شوي دي.

د هند پوځ یو جګپوړي قوماندان وی ټي ماتیو وویل، چې دوه نارینه او دوه ښځې د جمعې په ورځ، په یوه لیرې پرته سیمه کې د پوځ له خوا ژوندي وموندل شول.

د چارواکو په وینا، په تېرو دوو ورځو کې نږدې یو زرو ۶۰۰ کسان له غرنیو کلیو ژغورل شوي او نږدې ۳۵۰ ودانۍ زیانمنې شوي دي.

د پاکستان د دولتي راډیو د خبر له مخې دغه لیدنه نن جعمه په اسلام اباد کې ترسره شوې ده.

په دغه لیدنه کې د مالیې په چاروکو د پاکستان دولت وزیر علي پرویز ملک د فرانسې سفیر ته ددغه هېواد د اقتصادي پرمختګونو او پر وړاندې یې خنډونو په تړاو معالومات ورکړی دی.

علي پرویز ملک د اسعارو د زېرمو زیاتېدل، انفلاسیون کمېدل، د انرژۍ سکتور پرمختګ او د دولتي تصدیو د بیارغونې په ګډون د مهمو اصلاحاتو په اړه خبرې کړي دي.

دغه پاکستاني چارواکي ویلي، چې د دغه هېواد د ګمرکونو او داخلي عوایدو په برخه کې د پام وړ ښه راغلی او د ددې برخې بریښنايي کولو لپاره هڅې ګړندۍ شوي دي.

د پاکستان د دولتي راډیو خبر له مخې سفیر نیکولاس ګالي د پاکستان له خوا د غوره اصلاحاتو ستاینه وکړه او د دوه اړخیزو همکاریو په برخو کې د فرانسې له خوا د تخنیکي مرستې وړاندیز یې وکړ.

هغه د اقتصادي ثبات په برخه کې د پاکستان د حکومت له خوا شوي پرمختګونو وستایه او په دغه برخه کې یې د لا زیاتو همکاریو ډاډ ورکړ.