په فیلیپین کې د یاګي توپان له امله د مړو شمېر ۱۳ تنو ته لوړ شو
په فیلیپین کې د یاګي توپان له امله لږ تر لږه ۱۳ کسان مړه شوي دي. له بل پلوه په مانیلا او نږدې ولایتونو کې ښوونځي او دولتي دفترونه د خراب موسم له امله د سې شنبې په ورځ تړل شوي دي.
په فیلیپین کې د یاګي توپان له امله لږ تر لږه ۱۳ کسان مړه شوي دي. له بل پلوه په مانیلا او نږدې ولایتونو کې ښوونځي او دولتي دفترونه د خراب موسم له امله د سې شنبې په ورځ تړل شوي دي.
فلیپیني چارواکي وايي، د مانیلا په ختیځ کې د ځمکې ښویېدو له امله لږ تر لږه ۷ کسان مړه شوي دي.
د ځمکې ښویېدنې او سېلابونو له امله د څلورو تنو د ورکېدو خبر هم ورکړل شوی دی.
سیمهییز چارواکي وایي، چې د تري تم شویو خلکو لټون او ژغورنې هڅې روانې دي.
د دغه هېواد په مرکزي ولایتونو کې هم د مرګ ژوبلې راپورونه ورکړل شوي دي.
چارواکو ویلي، دوه کسان په شمالي سمر کې د ځمکې ښویېدنې له امله مړه شوي او یو کس په نیګروس اورینټل کې مړ شوی دی.
پېښو ته د رسېدنې چارو ادارې مسووولین وایي، چې په ختیځ ښار ناګا کې هم درې کسان مړه شوي دي.
فیلیپین په ټولیز ډول په کال کې ۲۰ استوایي توپانونه ثبتوي.
