د افغانستان د فوټسال ملي لوبډلې نن د انټر کانټینینټال جام په درېیمه لوبه کې نيوزيلنډ ته ۵ پر ۱ ماتې ورکړه. د لوبې لومړۍ نيمایي ۱ پر ۱ مساوي پای ته ورسېده او په دويمه نيمايي کې افغان ملي لوبډلې ۴ نور ګولونه ووهل.
د افغانستان فوټبال فدراسيون د چهار شنبې په ورځ په يوه خبرپاڼه کې ویلي، چې په دې سيالۍ کې فرزاد محمودي، مهران غلامي، حميدرضا حسيني يو - يو او اميد قنبري دوه ګولونه ووهل.
افغانستان په دې بریا سره د شپږو نومرو په لرلو د درجه بندۍ په جدول کې دویم ځای خپل کړ.
د انټر کانټينینټال جام سیالۍ د ټایلنډ په کوربه توب به بېنکاک ښار کې ترسره کېږي.
افغان لوبډلې تېره ورځ په دغو سیالیو کې په خپلې دویمې لوبه کې د ۴ ـ ۳ په توپیر له کوېټ ماتې وخوړه.
د افغانستان د فوټسال ملي لوبډلې بیا د دوشنبې په ورځ د (وږي ۱۲مه) په دغه جام کې په خپلې لومړنۍ لوبه کې د ګواټیمالا لوبډلې پر وړاندې پنځه ګولونه ووهل او لوبه یې ګټلې وه.
په دغو سیالیو کې د افغانستان، ټایلنډ، ګواتمالا، کوېټ او نیوزیلنډ لوبډلې شاملې دي.
دغه سیالۍ (د وږي په ۱۰مه) پیل او د همدې میاشتې تر ۱۶مې نېټې به دوام وکړي.
په دغه سیالیو کې د افغان ملي لوبډلې لپاره ۱۸ لوبغاړي غوره شوي دي.
افغان ملي لوبډله به له دغو سیالیو وروسته د نړۍوال جام سیالیو لپاره ازبکستان ته ولاړه شي.
د افغانستان کرېکټ بورډ په هند کې له تمریناتي کمپ څخه د افغان ملي لوبډلې د تمریناتو انځورونه او ویډیوګانې هم خپرې کړې دي.
د افغان لوبډلې غړي وايي، چې د نیوزیلنډ پر وړاندې د یوازینۍ تېسټ لوبې د تر سره کولو لپاره بشپړ چمتوالی لري.
د هند په ګریټر نویډا کې د تمریناتو پرمهال د افغان لوبغاړو مشر روزونکي جانټن ټراټ ترڅنګ څو نور بهرني روزونکي هم په انځورونو کې لیدل کېږي.
افغان لوبډله به د روانې میاشتې په نهمه نېټه د دوشنبې په ورځ د حشمت الله شاهدي په لوبډلمشرۍ د هند په ګریټر نویډا کې د نیوزیلنډ په وړاندې د سیالۍ ډګر ته ښکته شي.
افغانستان د ۲۰۱۷ کال د جون په ۲۲مه نېټه د ټېسټ لوبو غړیتوب ترلاسه کړ.
افغانستان تر اوسه نهه تېسټ لوبې تر سره کړې، چې درې یې ګټلې او شپږ یې بایللې دي.
افغانستان په ټېسټ سیالیو کې د نیوزیلنډ پرتله ډېره کمه تجربه لري.
افغانستان تردې مهاله دوه لوبې له بنګله دېش، دوه له زیمبابوې، دوه له اېرلینډ یوه، یوه له وېسټ اېنډیز، سریلانکا او هند سره کړې ده.