په ختیځه اروپا کې سختو سېلابونو ۴ تنه مړه کړي او لسګونه زره یې بې ځایه کړي دي

دغه وزارت وايي، چې د ۲۰۲۳ کال د اکتوبر له ۷مې راهیسې د اسراییل په بریدونو کې لږ تر لږه ۹۵ زره ۳۳۷ فلسطینیان ټپیان شوي دي.

د وزارت په اعلامیه کې راغلي، چې اسراييلي ځواکونو په تېرو ٢٤ ساعتونو کې په درېيو بریدونو کې ٢٤ کسان وژلي او ٥٧ نور يې ټپيان کړي دي.

اعلامیه کاږي: "ډېری خلک لا هم د نړېدلو ودانیو لاندې بند پاتې دي ځکه چې ژغورونکي د اسراییل د بریدونو له امله نه شي کولی سیمې ته ورسیږي."

اسراییل د تېر اکټوبر په اوومه د فلسطیني ډلې حماس له خوا پر دغه هېواد له برید وروسته، د غزې په تړانګه کې خپل پراخ بریدونه پیل کړل او ملکیانو ته یې پراخه مرګ ژوبله واړوله،‌ سره له دې چې د ملګرو ملتونو د امنیت شورا پرېکړه لیک د سمدستي اوربند غوښتنه کړې.

د اسراییل بریدونو د سیمې نږدې ټول نفوس د یوې روانې کلابندۍ له امله بې ځایه کړی، چې د خوراکي توکو ، پاکو اوبو او درملو د سخت کمښت لامل شوی.

اسراییل د عدالت په نړۍواله محکمه کې په غزه کې د خپلو کړنو له امله د نسل وژنې له تورونو سره مخامخ دی.

ولسمشر ولادیمیر زېلېنسکي پر ټېلېګرام ویلي: "په خارکیف کې د ژغورنې عملیات دوام لري. د روسیې هوايي برید د استوګنې یوه ودانۍ په نښه کړې او څو پوړونه یې زیانمن کړي دي. د نهم او دولسمو پوړونو ترمنځ اور لګېدلی دی".

هغه د څو پوړیزې ودانۍ له کړکیو څخه د لوګي او اور لګېدو عکسونه خپاره کړي، چې ټولې کړکۍ ماتې شوې دي.

د خارکیف والي اولیه سینهیبوف وویل، چې ملکي بنسټونه هم زیانمن شوي دي.

د اوکراین دویم لوی ښار خارکیف د روسیې پولې ته څېرمه پروت دی او تل د روسیې د بمونو، توغندیو او بې پېلوټه الوتکو تر بریدونو لاندې راځي.

زېلېنسکي وویل: "نړۍ باید د اوکراین په دفاع کې مرسته وکړي، چې د روسیې د پوځي الوتکو څخه، د لسګونو لایزري بمونو د غورځيدو مخه ونیول شي چې هره ورځ د اوکراینیانو ژوند اخلي. دا ترهګري باید ودرول شي."

کییف ویلي دي، چې باید اجازه ورکړل شي چې د لوېدیځ له خوا چمتو شوې نورې پیاوړې وسلې وکاروي چې په روسیه کې دننه ډېر زیانونه واړوي او د مسکو د برید وړتیا کمزورې کړي.

روسیه دا ردوي چې په عمدي توګه ملکي وګړي په نښه کوي سره له دې چې په ۲۰۲۲ کال کې یې د اوکراین له اشغال راهیسې زرګونه کسان وژلي دي.

د روانې عیسوي میاشتې په پیل کې ۱۲ کسان هغه مهال مړه شول، چې هڅه یې کوله له دغه کاناله په تېرېدو سره له فرانسې ځان انګلستان ته ورسوي.

دغه کسان هغه مهال مړه شول چې کښتۍ یې په کانال کې ډوبه شوه.

په دغه کانال کې د کډوالو مړینې په فرانسې او انګلستان فشارونه ډېر کړي، چې له دغې لارې د کډوالو د کښتیو د تللو مخه ونیسي.

د فرانسې د پاس-دی-کالاس سیمې مشر جاک بیلنټ وویل، چې د ژغورنې ډلو ته خبرداری ورکړل شوی و، چې یوه کښتۍ چې ۵۹ تنه پکې سپاره وو؛ د پاس-دی-کالیس په سیمه کې د امبلټیوس ساحل ته نږدې په اوبو کې له ستونزو سره مخ شوې ده.

هغه یوې خبري غونډې ته وویل: "د شپې په شاوخوا یوه بجه یوه نوې پېښه رامنځته شوه او موږ د اتو کسانو مړینې خواشیني کړو."

هغه زیاته کړه، چې نور ۵۱ کډوال اوس د ژغورنې او طبي عملې تر پاملرنې لاندې دي.

نوموړي زياته کړه، چې وژل شوي کسان د افغانستان، سوډان، سوريې، مصر او ايران وګړي وو، خو دا یې نه دي‌ ویلي، چې د افغانانو شمېر څو تنه وو.

دغه کانال د نړۍ یو له بوختو بار وړونکو لارو څخه دی او هلته د سمندر څپې قوي دي، چې په کوچنیو کښتیو کې تېرېدل خطرناک کوي.

بیلنټ وویل، چې وروستۍ پېښه د هغو کسانو شمېر ۴۶ ته رسوي، چې د کال له پیل راهیسې د فرانسې څخه د کانال د تېرېدو په هڅه کې مړه شوي دي.

هغه وویل، چې یوازې د سپټمبر په ۱۴مه له فرانسې څخه د دې کانال د تېرېدو اته هڅې وشوې او شاوخوا ۲۰۰ کډوال وژغورل شول.

د طالبانو تر واک لاندې د ټرانسپورټ او هوایي چلند وزارت اړوند د هوا پوهنې ادارې د شنبې په ورځ په يوې خبرپاڼه کې ویلي، چې (د وږي ۲۶ مه) د سالنګونو په ګډون په بدخشان، تخار، نورستان، کونړ، لغمان، کاپيسا، پنجشير، بغلان، پروان، ننګرهار، کابل، لوګر، پکتیا، خوست، میدان وردګ،بامیان او غور ولایتونو کې د شدیدونو بارانونو، اورښتونو او سېلابونو اټکل شوی.

د دوی د معلوماتو له مخې، چې په بېلابېلو سیمو کې به د باد د سرعت کچه په ساعت کې له (۵۰ څخه تر ۷۰) کيلومتره وي.

دا په داسې حال کې ده، چې په افغانستان کې د اقلیم په بدلون سره په دې وروستیو کې ډېریو ولایتونو کې سخت سېلابونه راوتلي، چې ډېر شمېر افغانانو ته یې ځاني او مالي تاوانونه رسولي دي.

د حوثیانو د پوځ ویاند یحیا ساریه ویلي، چې دغې ډلې په برید کې یو نوي هایپرسونیک بالستیک توغندي کارولی، چې یوازې په ۱۱/۲ دقیقو کې یې ۲۰۴۰ کیلومتره واټن وهلی دی.

د اسراییل پوځ په پیل کې ویلي وو، چې دغه توغندی په یوه خلاصه سیمه کې لویدلی دی؛ خو وروسته یې بیا وویل،‌ چې دغه توغندی په هوا کې نسکور شوی او ټوټې یې د اورګاډي یو مرکز ته نږدې رالوېدلي دي.‌

په دغه برید کې د هېڅ مرګ ژوبلې رپوټ نه دی ورکړل شوی.

په سیمه ییز وخت د سهار په ۶:۳۵ دقیقې په تل ابیب او د اسراییل په مرکزي سیمو کې د هوایی برید د خبرداري سیسټم فعال شو او د سیمې له اوسېدونکو یې وغوښتل چې د سرپناه لپاره امنو ځایونو ته ولاړ شي.

نتنیاهو د کابینې په اونیزه غونډه کې وویل، چې حوثي یاغیان باید پوه شي چې پر اسراییل د بریدونو له امله به درنه بیه پرې کړي.

نتنیاهو د جولای په میاشت کې پر تل ابیب د حوثیانو د بې پیلوټه الوتکې له برید وروسته شوي هوايي بمبار ته په اشارې سره وویل: "څوک چې دې یادونې ته اړتیا لري، چې زمونږ ځواب به څنګه وي، د حدیده بندر څخه دې لیدنه وکړي."

حوثي یاغیانو په پرله پسې ډول پر اسراییل د توغنديو او بې پیلوټه الوتکو بریدونه کړي، چې د دوی په وینا موخه یې له فلسطینیانو سره پیوستون ښودل دي.

د جولای په میاشت کې د لومړي ځل لپاره پر تل ابیب د حوثیانو د بې پیلوټه الوتکې برید کې یو سړی وژل شوی او څلور کسان ټپیان شوي وو.

د حدیده بندر ته څېرمه د حوثي یاغیانو پر پوځي اهدافو د اسراییل هوايي بریدونو کې بیا شپږ تنه وژل شوي او ۸۰ نور ټپیان شوي وو.

تر دې مخکې حوثي توغندي د اسراییل هوايي حریم ته نه دي ننوتلي، یوازې د مارچ په میاشت کې د ایلات د سره سمندرګي بندر ته څېرمه د اسرايیلي سیمې د ویشتلو راپور ورکړل شوی و.