سوېلي افریقا د لبنان پر جنوبي سیمو د اسراییل پر بریدونو نیوکه وکړه
د سوېلي افریقا د بهرنیو چارو وزارت په یوه بیان کې ویلي چې په لبنان کې د «اسراییل د بې توپیره چاودنو» له امله د ټپیانو کچه د ژورې اندېښنې وړ ده او نړۍواله ټولنه یې سخته غندنه کوي.
د سوېلي افریقا د بهرنیو چارو وزارت په یوه بیان کې ویلي چې په لبنان کې د «اسراییل د بې توپیره چاودنو» له امله د ټپیانو کچه د ژورې اندېښنې وړ ده او نړۍواله ټولنه یې سخته غندنه کوي.
سوېلي افریقا د «نا قانونه وژنو» په ځانګړې توګه د حسن نصرالله او د حزب الله د نورو مشرانو په وژلو اندېښنه څرګنده کړه.
په بیان کې ویل شوي چې د لبنان په سویل کې د ولسي وګړو په نښه کول د اسراییل بریدونه له «نړۍوالو بشري حقونو او بشردوستانه قوانینو څخه جدي سرغړونه ده.»
سویلي افریقا چې مخکې یې اسراییل په غزه کې په «نسل وژنه» تورن کړی و، ویلي چې دغه بریدونه به په منځني ختیځ کې وضعیت کړکیچن کړي او په سیمه کې به د سولې نړۍوالې هڅې زیانمنې کړي.
سیمه ییزې سرچینې وايي، چې د دواړو خواوو ترمنځ یو ځل بیا جګړه پیل شوې او سختې نښتې روانې دي.
د ځايي سرچینو په وینا، طالبانو غوښتل د ګوشتې په انارګي غاښي کې پوسته جوړه کړي، خو پاکستاني پوځ یې مخالفت کړی او د همدې امله د دواړو خواوو ترمنځ په وار وار نښتې شوي دي.
له دې وړاندې د ننګرهار د ګوشتې او د کونړ د خاص کونړ ولسوالیو ځینو اوسېدونکو افغانستان انټرنشنل ته ویلي و، چې د پاکستان او طالبانو د پوله ساتو تر منځه د یوې پوستې د جوړېدو پر سر نښته شوې.
