طالبان له ټول ځواک سره په غزني کې برمې ته د لوېدلي ماشوم په ژغورلو کې پاتې راغلل

د پنجشنبې په ورځ د طالبانو استخباراتو د کابل په سرای شمالي کې د سیاسي چارو کارپوه جاوید کوهستاني ونیوو.

د افغانستان د بشري حقونو مدافع کمېټې د سرچینو په حواله لیکلي دي، چې ښاغلی کوهستاني د طالبانو د استخباراتو په یوه مرکز کې شکنجه شوی دی.

د افغانستان د بشري حقونو د مدافعانو د کمېټې له خوا په یوه اعلامیه کې راغلي: "د طالبانو کړنلاره دا ده چې د ویرې او ترور فضا رامنځ ته کړي، د بیان ازادي محدوده کړي، د معلوماتو انحصار وکړي، او د ټولنې ټولنیز او حتی فزیکي پوهه تر پښو لاندې کړي."

دغې کمېمټې له طالبانو غوښتيو چې د مدني او سیاسي ازادیو د حقونو د ساتنې په برخه کې د افغانستان د نړیوالې ژمنې مراعات کړي او په افغانستان کې د بشري حقونو وضعیت نور هم کړکېچن نه کړي.

جاوید کوهستاني کابل ته د طالبانو تر راتګ مخکې په تلویزیوني مناظرو کې د سیاسي او پوځي مسایلو په اړه بحثونه کول، هغه یو له هغو څو سیاسي فعالانو څخه دی چې د زمري له ۱۴۰۰ څخه وروسته هم افغانستان کې پاتې دی.

طالبانو تر اوسه د ښاغلي کوهستاني د نیولو په اړه څه نه دي ویلي.

د اصفهان ولایت امنیه قوماندان د یکشنبې په ورځ ناوخته یوې خبرې ناستې ته وویل، چې د ایران لوړپوړو چارواکو ته یې وړاندیز کړی چې په ایران کې پر افغان کډوالود اوسېدو لګښتونه لوړ کړي.

علینقیانپور وویل: «په ورته وخت کې، د ناقانونه وګړو په اړه د ښار تر پوستکي لاندې اقدامات ترسره کیږي او منفي او مثبت اقدامات باید په ګډه ترسره شي.»

په وروستیو میاشتو کې ایراني چارواکو په ایران کې د افغان کډوالو د ماشومانو په ښوونځیو کې له شاملیدو مخنیوی، په افغان کورنیو باندې د ډوډۍ نه پلورلو، د کور په کرایه نه ورکولو، د کارخونو او ورکشاپونو پرې بندولو او راټولول هغه څه دې چې په ایران کې یې پر افغانان فشارونه څو برابره ډیر کړي دي.

د اصفهان امنيه قوماندان د افغانانو د راغونډولو په اړه وويل: «موږ هره ورځ په منځنۍ توګه د ولايت په کچه تر ٣٠٠ زيات ناقانونه افغان وګړي راټولوو او تر پولې پورې يې لېږدوو او سرحدي ځواکونو ته يې سپارو، سرحدي ځواکونه هغوی د افغانستان پوله ساتو ته ورسپاري.»

هغه زیاته کړه، چې په وروستیو کلونو کې په ایران او په ځانګړې توګه په اصفهان ولایت کې پام وړ افغانان ډیر شوي او پولیس له هغوی سره د قانون له مخې چلند کوي.

ایران په رسمي ډول ویلي، چې د روان کال تر پایه به شاوخوا دوه میلیونه افغانان له دغه هېواده وباسي.

د طالبانو سترې محکمې نن دوشنبه د (تلې نهمه) د یوې خبرپانې په خپرولو سره ویلي، چې د فاریاب ولایت لومړۍ محکمې یوې ښځې ته د «نامشروع اړیکو او له کوره تېښتې» په تور تعزیري سزا ورکړې ده.

د خبرپاڼې له مخې، دغه پرېکړه د دغې ډلې د سترې محکمې له تایید وروسته د فاریاب لومړۍ محکمې له لوري په عام محضر کې پر یوې ښځې عملي شوه.

په خبرپاڼه کې د تورنېښځې د هویت په اړه څه نه دي ویل شوي خو وايي، د محکمې د پرېکړې له مخې دغه ښځه ته ۳۰ دورې او شپږ میاشتې تنفیذي بند سزا ورکړل شوه.

که څه هم پر طالبانو په عام محضر کې د بدني سزا ورکولو په اړه د بشري حقونو د ملاتړو سازمانونو له لوري سختې نیوکې کېږي؛ خو لا هم طالبان لږ تر لږه په یوه یا دوو ورځو کې د افغانستان په بېلابېلو ولایتونو کې پر خلکو په عام محضر کې بدني سزا عملي کوي.

د طالبانو دغه کړنې په نړۍواله کچه غندل کېږي؛ خو طالبان وایي دوی «د اسلامي شریعت» په اډانه کې دغه کړنې ترسره کوي.

د طالبانو ویاند ذبیح الله مجاهد وايي، د داعش خراسان څانګې مشران او نور غړي د طالبانو له ځپونکو عملیاتو وروسته د پاکستان بلوچستان او خیبرپښتونخوا ته تللي دي.

د طالبانو ویاند له لوري په یوه خپره شوې خبرپاڼه کې ویل شوي، چې له افغانستان څخه داعش خراسان څانګې د مشرانو وتلو او پاکستان ته د تللو معلومات یې له هغه وروسته ترلاسه کړي، چې په کابل او ننګرهار کې یې د عملیاتو پر مهاله د داعش هغه ډله ونیوله چې په کابل کې پر څارنوالانو او په بامیان ولایت کې پر بهرنیو سیلانیانو په بریدونو کې لاسه درلود.

مجاهد وايي، له یادو کسانو سره یې یو تن تاجکستانی وګړی هم نیولی چې غوښتل یې ځانمرګی برید وکړي.

مجاهد زیاتوی، چې د وږي میاشتې په ۱۲مه نېټه په کابل کې پر څارنوالانو بریدګر د پاکستان د بلوچستان ایالت په مستونګ کې د داعش خراسان څانګې له رونیز کمپ څخه افغانستان ته راغلی و.

په خبرپاڼه کې لیکل شوي، چې په کابل او فاریاب ولایتونو کې د یولړ نورو عملیاتو په پایله کې د داعش دوه غړي وژل شوي او یو شمېر یې ژوندي نیول شوي دي.

خبرپاڼه کې ادعا شوې، چې په نیول شویو داعشیانو کې یو شمیر یې تازه د بلوچستان ایالت مستونګ کې د داعش خراسان څانګې د روزنیز کمپ څخه تازه افغانستان ته راستانه شوي دي.

ذبیح الله مجاهد وايي، د داعش خراسان څانګه په پاکستان کې روزنیز کمپونه لري، او له هغه ځایه په افغانستان او نورو هېوادونو کې بریدونه کوي.

د نوموړي په خبره همدا ډله د پاکستان په بلوچستان او خیبرپښتونخوا ایالتونو کې هم د دیني عالمان، مذهبي او سیاسي ګوندونو غړي په نښه کوي.

پاکستان تر اوسه پورې د ذبیح الله مجاهد د دغوڅرګندونو په اړه کوم غبرګون نه دی ښودلی.

په بادغیس کې د طالبانو امنیه قوماندانۍ په خپله اېکس پاڼه لیکلي، چې تېره ورځ د یاد ولایت د بالامرغاب ولسوالۍ د جوی ګنج په سیمه کې یو تن د تندر غورځېدو له امله مړ شوی دی.

امنیه قوماندانۍ لیکلي، چې تېره ورځ د یاد ولایت په جوند، غورماچ او قادس ولسوالیو کې ګڼ او توپاني بارانونه شوي، خو په یادو ولسوالیو کې د مرګ ژوبلې او نورو زیانونو په اړه معلومات نه دي خپاره کړي.

همدارنګه په لغمان ولایت کې د طبیعي پېښو په وړاندې د چمتوالي مشر عبیدالله الکوزي د طالبانو تر واک لاندې باختر اژانس ته ویلي، چې د تېرې ورځې چټکو بادونو او باران له امله په بېلابېلو پېښو کې اوه تنه ټپیان شوي دي.

 نوموړي ویلي، چې د چټکو بادونو او باران له امله د دیوالونو نړېدو او ونو چپه کېدو له امله دغه کسان ژوبل شوي.

ځايي طالبانو د یوه ټپي شوي کس روغتیايي حالت د اندېښنې وړ بللی دی.

همدارنګه په لغمان کې د طالبانو تر واک لاندې د پېښو په وړاندې د چمتوالي ادارې چارواکي وايي،‌ چې د تېري شپې توپان د لغمان په نورو سیمو کې هم مالي او ځاني زیانونه اړولي دي.

دا په داسې حال کې ده، چې تېره ورځ د هوا پوهنې ادارې د افغانستان په ۱۸ ولایتونو کې د باران، تالندې، بریښنا، دوړو او سېلابونو راوتلو اټکل کړی و.