ټاکل شوې چې د امریکا د ولسمشریزو ټاکنو کمپاینونه د دوشنبې په ورځ پای ته ورسېږي او سپینې ماڼۍ ته د لار موندلو په موخه دوه مخکښ نوماندان کمالا هرېس او ډونالډ ټرمپ د رایو د ترلاسه کولو لپاره خپلې وروستۍ هڅې کوي. دغه نوماندان دا ټاکنې د امريکا لپاره د ژوند او مرګ شیبه بولي.
د رویټرز خبري اژانس د راپور له مخې، که څه هم د امریکا په اوو کلیدي ایالتونو اریزونا، جورجیا، میشیګن، پنسلوانیا، ویسکانسین، شمالي کارولینا او نوادا کې د هرېس او ټرمپ د رایو اختلاف ډېر کم دی، خو د همدې ایالتونو په رایو سره به د ټاکنو پایلې روښانه شي.د یوې سروې موندنې ښيي، چې د امریکا د ولسمشرۍ د ټاکنو د دوو مهمو نوماندانو ډونالډ ټرمپ او کمالا هرېس ترمنځ سیالي لا هم په یادو ایالتونو کې ډېره نږدې او سخته ده.سره له دې چې د دې ټاکنو پایلې باید د سې شنبه په پای کې روښانه شي، خو د پوهانو په باور ښایي دا کار څو ورځې او ان اونۍ وخت ونیسي.هرېس او ټرمپ په داسې حال کې د امریکا ولسمشرۍ ته نږدې شوي دي، چې ۸۱ کلن جو بایډن د خپل ګوند له خوا د فشار له امله د بیا ټاکل کېدو مبارزه پرېښوده.امریکا چې اوسمهال په روانو جګړو کې د اوکراین او اسراییل ملاتړ کوي، او د اسراییل د ملاتړ له امله پرې ډیرې نیکوې هم شوي دي، خو د دغه وضعیت سربیره، د سیالۍ بڼه ډېره نه ده بدله شوې او سروې ګانې ښيي، چې هرېس او ټرمپ له اوړي راهيسې په نږدې سيالۍ کې پر مخ روان دي.د رویټرز د راپور له مخې، د امریکا د ۲۰۲۴ کال په ټاکنو کې تر اوسه څه باندې ۷۸ ميليونو خلکو په مخکې له مخکې رایې ورکړي او تمه ده چې سبا ته د دواړو نوماندانو پلویان د رایو مرکزونو ته ولاړ شي.رویټرز تر دې وړاندې لیکلي و، چې د وروستیو نظرپوښتنو له مخې هرېس له خپل جمهوري غوښتونکي سیال څخه یو څه مخکې ده، خو دا د نوموړې لپاره د بریالیتوب معنا نه لري.
