د امریکا ټاکنې؛ په ټاکنو کې د امنیت ساتنې لپاره لازم امنیتي تدابیر نیول شوي دي
د امریکا د ولسمشریزو ټاکنو پر مهال د قانون او نظم ساتلو او د ټاکنیزو کارکوونکو پر وړاندې د تاوتریخوالي څخه د مخنیوي لپاره بشپړ امنیتي تدابیر نیول شوي دي.
د امریکا په اوریګون، واشنګټن او نیوډا ایالتونو کې د ملي ګارد ځواکونه ځای پر ځای شوي دي.
د امریکایي رسنیو په وینا، په ټوله امریکا کې د رای ورکولو په شاوخوا سل زره مرکزونو کې امنیت ټینګ شوی او د رای ورکولو د کارکوونکو لپاره ځانګړي وسلهوال ټیمونه ګمارل شوي دي.
د رای ورکولو د مرکزونو په بامونو به ځانګړې وسلهوالې امنیتي ډلې هم ځای پر ځای شي.
د اریزونا په ماریکوپا کاونټي کې د ټاکنو مرکزي برخې په یوې کلا بدلې شوې، د مرکز شاوخوا اغزن تارونه لګول شوي، په داسې حال کې چې وسلهوال ساتونکي په بامونو هم ځای پرځای شوي دي.
د پنسلوانیا په سویلي ایالت کې هم د ټاکنو په اړه امنیتي ګامونه اخیستل شوي دي.
د چارواکو په وینا، د امنیتي او قانون پلي کونکو ادارو په همکارۍ څو اړخیز تدابیر نیول شوي دي.
د سایبري امنیت ادارې مشر د سایبري بریدونو او هک کولو د کواښونو په اړه خبرداری ورکړی او ویلي یې دي، چې روسیه، چین او ایران په ټاکنو کې د امریکایانو د باور د کمزوري کولو لپاره کار کوي.
د سایبري امنیت ادارې اندېښنه ښودلې، چې ناسم معلومات د ټاکنو چارواکو، کارکوونکو او د هغوی کورنۍ له ګواښ سره مخامخ کولی شي.
