د امریکا د روانو ولسمشریزو ټاکنو نوماند ډونالډ ټرمپ د ۹۵ الېکټورل کالج رایو په ترلاسه کولو سره مخکښ دی. اخوا د ټرمپ سیالې کمالا هرېس بیا د الېکټورل کالج ۳۵ رایې تر اوسه ترلاسه کړي دي.
د اعلان شویو پایلو له مخې، ټرمپ تر دې مهاله په اوکلاهاما، مي سي سي پي، الاباما، تنسي، سویلي کارولینا، کنټاکي، اېنډیانا او لوېدیځه ویرجینا ایالتونو کې بریالی دی.
له دې سره، هرېس بیا په مریلنډ، ورمونټ، ماساچوست، کنټیکټ او رودایلنډ ایالتونو کې بریالۍ شوې ده.
ټرمپ له رایه ورکولو وروسته له رسنیو سره په خبرو کې وویل: «پر ځان د ډېر باور احساس لرم»
