د خیبر پښتونخوا استازي له طالبانو وغوښتل چې د پاکستان وسله وال مخالفین کنټرول کړي
د پاکستان په ملي شورا کې د خیبر پښتونخوا استازي په اسلام اباد کې د طالبانو له سفیر سره په لیدنه کې د پاکستاني طالبانو د کنټرول غوښتنه وکړه.
د پاکستان په ملي شورا کې د خیبر پښتونخوا استازي په اسلام اباد کې د طالبانو له سفیر سره په لیدنه کې د پاکستاني طالبانو د کنټرول غوښتنه وکړه.
حمید حسین وویل، چې د پاکستان پوځ په کورمه کې د تحریک طالبان پاکستان د جنګیالیو پرضد عملیات پیل کړي دي.
حمید حسین د پاکستان په ملي شورا کې د خیبر پښتونخوا د کورمې ولسوالۍ استازی دی.نوموړي د دوشنبې په ورځ په اسلام اباد کې د طالبانو له سفیر احمد شکیب سره تر لیدنې وروسته په یو ویډیويي پیغام کې وویل، چې د طالبانو له سفیر سره یې د خرلاچي د لارې پر ستونزو او په میوو او سبزیو بار ولاړو لاریو په اړه خبرې کړي دي.نوموړي وویل، چې د پاکستان پوځ په دغه سیمه کې د پاکستاني طالبانو پرضد عملیات پیل کړي دي او افغان طالبان باید په افغانستان کې دننه د دغې ډلې د احتمالي خوځښتونو مخه ونیسي.حسین وویل: «پاکستاني طالبان ممکن زموږ لپاره ستونزې رامینځته کړي، نو ما د طالبانو له سفیر څخه غوښتنه وکړه چې تحریک طالبان پاکستان باید د افغانستان خاوره زموږ پر ضد ونه کاروي.»هغه په اسلام اباد کې د طالبانو د سفیر په حواله ویلي، چې افغان طالبان هڅه کوي چې د وسله والو له خوا د افغانستان د خاورې د کارونې مخه ونیسي
