د خیبر پښتونخوا په پېښور او ځینو نورو سیمو کې پولیسو شاوخوا ۲۰۰ افغان کډوال نیولي دي
په پېښور کې سرچېنې وایي، دغه افغانان وروسته له هغې ونیول شول چې پولیسو د امنیت او ټیکاو راوستو په موخه پراخ عملیات پیل کړل.
په پېښور کې سرچېنې وایي، دغه افغانان وروسته له هغې ونیول شول چې پولیسو د امنیت او ټیکاو راوستو په موخه پراخ عملیات پیل کړل.
پولیس وایي، چې د نیول شویو کډوالو سره قانوني اسناد نه و او دوی به هغه کسان نیسي چې قانوني اسناد نه لري.
د پېښور د پولیسو مشر احسان شاه وایي، دغه عملیات په پېښور او شاوخوا سیمو کې د امنیت د ټینګښت په موخه پیل شوي دي.د پېښور د پولیسو مشر که څه هم چې د نیول شویو افغانانو شمېر له ۱۰۰ زیات ښیي؛ خو دا هم وایي چې له ډېرو نیول شویو کسانو سره وسلې او نشهیي توکي هم نیول شوي دي.خو په پېښور کې بیا یو شمېر د افغان کډوالو کورنیو افغانستان انټرنیشنل ته ویلي، چې له ډېرو دغو نیول شویو کسانو سره په پاکستان کې د اوسېدو قانوني اسناد هم ول؛ خو پولیسو نیولي او په تاڼو کې یې بندیان کړي دي.د پېښور تر څنګ په اسلام اباد کې هم له څو ورځو راهیسې افغان کډوال نیول شوي او تر اوسه یې برخلیک نه دی مالوم.
ابراهیم زاده طالبان "د افغانستان اسلامي امارت" بللي او له دې ډلې یې غوښتي، چې د کورنیو پانګونو ملاتړ وکړي.
طالبانو تېر کال د دغو سوداګرو جایدادونه ضبط کړي وو.
هغه ټینګار وکړ، چې د ملي سوداګرو ملاتړ کولای شي د هېواد له اقتصادي ودې او د کارموندنې په برخه کې مرسته وکړي.
ابراهیم زاده د سې شنبه په ورځ پر فېسبوک پاڼې په یوه پیغام کې لیکلي، چې په ازبکستان کې یې له یو شمېر سوداګرو سره د رییس الوزرا مرستیال عبدالسلام حنفي په مشرۍ د طالبانو له یوه لوړ پوړي پلاوي سره لیدنه کړې.
د طالبانو د رییس الوزرا اداري مرستیال عبدالسلام حنفي په یوه رسمي سفر ازبکستان ته تللی دی.
د افغانستان د ولسي جرګې پخواني دویم مرستیال زیاته کړه، چې په دې ناسته کې د بلخ لپاره د طالبانو والي یوسف وفا، په ازبکستان کې د طالبانو سفیر عبدالغفار بحر او په تاشکند کې د افغانستان د سفارت او کونسلګرۍ یو شمېر مسوولینو هم حضور درلود.
هغه زیاته کړه، دوی د طالبانو له پلاوي وغوښتل، چې د افغانستان او ګاونډیو هېوادونو په ځانګړې توګه د ازبکستان جمهوریت تر منځ د سوداګرۍ او ګډې پانګونې خونه جوړه کړي چې په وارداتو او صادراتو کې اسانتیاوې رامنځته شي.
دغو افغان سوداګرو د طالبانو د ادارې له مرستیال څخه وغوښتل، چې "د کار پیدا کولو، د کورنیو تولیداتو د زیاتوالي، په بازار کې د بیو د راټیټولو او د هېواد د اقتصادي ودې لپاره د ملي سوداګرو او کورنیو پانګونو جدي ملاتړ وکړي."
طالبانو تېر کال په بلخ ولایت کې د عباس ابراهیم زاده ملکیتونه او کورونه غصب کړي وو.
عباس ابراهیم زاده د هېواد نامتو سوداګر دی، چې د طالبانو تر واکمنۍ وروسته له افغانستانه وتلی دی.
طالبانو د پخوانيو حکومتي چارواکو د راستنېدو لپاره له افغان شخصیتونو سره د اړیکې لپاره یو کمېسیون جوړ کړی دی، خو پیژندل شویو سياستوالو په دې ډله باور نه دی کړی او افغانستان ته نه دي راستانه شوي.
