د ای اېس ای د پخواني مشر محاکمه

د پښتون ژغورني غورځنګ د مرکزي کمیټې غړي نور پاچاه پر اېکس پاڼه لیکلي، چې د سویلي وزیرستان په واڼه کې سلګونو کسانو له زندان د علي وزیر د خلاصون لپاره لاریون وکړ.

نوموړی وايي، په دغه لاریون کې د پښتون ژغورنې غورځنګ غړو، قومي مشرانو او د سیاسي ګوندونو ځايي استازو او سلګونو عامو خلګو ګډون کړی وو.

لاریونوال وايي، د پاکستان حکومت دې له کوم قید او شرط پرته علي وزیر له زندانه خوشی کړي.

د سویلي وزیرستان د ملي ډیموکراټیک ګوند غړي بیت الله د لاریون پر مهال وویل:«ریاست پر علي وزیر مختلفې غیري قانوني قضيې ثبت کړې دي. د وزیر ګناه صرف دا ده چې، د خپل قوم د ښه راتلونکي لپاره یې غږ پورته کړی دی. علي وزیر د خپلو ګټو ږغ نه دی پورته کړی. علي وزیر پر خپله سیمه د جنګ او روان وضیعت په غبرګون ږغ پورته کړی و.»

همدارنګه د سویلي وزیرستان قومي مشر ګل عالم خان وايي:«موږ ټول قوم دا څومره خلګ چې دلته راټول شوي دي، ریاست ته وایو په خلاصو غوږونو یې واوره نه موږ علي تاسو ته در پریږدو او نه بل هغه څوک چې د قوم غږ یې پورته کړی وي، ټوله له زندان څخه د را خوشي کېدو غوښتنه کوو.»

علي وزیر د اکسټ پر دریمه د پاکستان پولیسو لومړی په اسلام اباد کې ونیو او پر دریو جرمونو یې تورن کړ.

وروسته یې نوموړی د نورو ایالتونو زندانونو ته لېږدولی چې دا مهال د سند په یوه زندان کې بندي دی.

علي وزیر تر دې مخکې هم بیا بیا نیول شوی او میاشتې او کلونه یې زندان تېر کړی.

نوموړی د ۲۰۲۳ کال پرورۍ کې له نږدې دوه نیم کاله بند وروسته له کراچۍ زندان خوشی شو، خو له هغه وروسته بیا بیا ونیول شو.

د پاکستان جیونیوز د جمعې په ورځ راپور وکړی، چې د ایپیکس کیمټې په دغه ناسته کې د کورمې ولسوالۍ د وضیعت د کابو کولو او د امن جرګې پر ورستیو لاسته راوړنو په خبرې شوې دي.

د پاکستان د کورنیو چارو وزیر محسین نقوي د پښتونخوا سر وزیر ګنډاپور ته د کورمې ولسوالۍ د وضیعت د کابو لپاره د هر ډول همکارۍ ژمنه کړې او ویلي دي، چې په کورمه ولسوالۍ کې د روان وضیعت کنټرولول یې لومړیتوب دی.

پر همدغه مهال ایپیکس کمیټي په کورمه ولسوالۍ کې د خونړیو پېښو د مخنیوي، په موخه د خلکو له لورې د جوړ شویو مرچلونو د له منځلو وړلو پرېکړه هم کړېده او ویلي یې دي، چې له خلکو د وسلو د راټولولو په اړه یې خبرې روانې دي.

سرچینو ویلي، چې د ایپیکس کمیټې په دغه ناسته کې په کورمه ولسوالۍ کې د شخصي خلګو له لورې د وسلو پر ګرځولو هم د بندیز لګولو پرېکړه شوي ده.

پر همدغه مهال د خیبر پښتونخوا سر وزیر علي امین ګنډاپور ویلي، چې د کورمې ولسوالۍ د وضیعت کابو کولو لپاره به ټول توان په کار واچوي او په یاده ولسوالۍ کې د روان تاوتریخوالي د کابو کولو پر سر باید هیڅ ډول سیاسي چلند ونه شي.

د کورمې ولسوالۍ په اړه د پاکستان د لوړپوړو حکومتي چارواکو دا ناسته پر داسې مهال کیږي، چې له شاوخوا ۷۰ ورځو را دغه ولسوالۍ ته ټولې غځیدلې لارې تړل شوې، په ښارونو کې د خوراکي او سون توکو د کموالي او نشتوالي له امله خلک له سختو ستونزو او کړاوونو سره مخامخ شویدي.
د ځینو راپورونو له مخې چې د درملو د کموالي له امله د ۲۹ ماشومانو په ګډون ۶۰ کسان په روغتونونو او کورونو کې مړه شوي دي.

نوموړي ویلي، چې د پاکستان توغندیز ځواک د امریکا لپاره ګواښ دی.

د متحده ایالاتو دغه لوړپوړي چارواکي د پاکستان د توغندیو د پروګرام د نویو بندیزونو په اړه وویل چې د اسلام اباد چلند د دغه هېواد د بالسټیک توغندیو د پروګرام د اهدافو په اړه پوښتنې پیدا کړي دي.

فاینر د کارنګي بنسټ په ناسته کې وویل: "که واضیح ووایم، دا زموږ لپاره ګرانه ده چې د پاکستان اقداماتو ته د متحده ایالاتو لپاره د یو مخ پر وړاندې ګواښ پرته بل لید ولرو."

هغه وویل، "له اوږد واټن بالیسټیک توغندیو سیسټمونو څخه تر هغه تجهیزاتو پورې چې د لویو راکټ انجنونو ازمایښت ترسره کولی توغندیو په شمول پاکستان خپلې توغندیزې تکنالوژۍ ته د پام وړ پرمختګ ورکړی."

د فاینر په وینا، که دا لړۍ همداسې دوام وکړي، "پاکستان به د دې وړتیا ولري چې د متحده ایالاتو په ګډون د سویلي اسیا ور هاخوا موخو باندې برید وکړي."

د ملي امنیت مرستیال سلاکار جان فاینز دا څرګندونې یوه ورځ وروسته له هغې وکړې چې واشنګټن د پاکستان د بالستیک توغندیو د پراختیا پر پروګرام د بندیزونو د نوي پړاو اعلان وکړ.

د پاکستان د بهرنیو چارو وزارت پرون دغه بندیزونو ته په ځواب کې وویل چې د توغندیو د جوړولو هدف د پاکستان دفاع ده.

د غزې تړانګه کې روغتیایي چارواکو رسنیو ته ویلي، چې د پنجشنبې په ورځ (د لېندۍ ۲۹مه) د غزې په ښار کې د بې ځایه شویو خلکو پر دوو ښوونځیو او یو کور باندې د اسراییل په هوايي بریدونو کې لږ تر لږه ۲۰ فلسطینیان وژل شوي او تر ۳۰ زیات ټپیان شوي دي.

د معلوماتو له مخې، په دغه برید کې د دارالعرقم او شعبان الراییس ښوونځي او د الطفاح په ګاونډ کې یو کور په نښه شوی، چې ډېری قربانیان په کې ښځې او ماشومان دي.

همدا راز اسراییلي ځوکونو په یمین کې هم د حوثي وسله والو پر مرکزونو بریدونه کړي، چې د سیمه ییزو رسنیو په وینا، په صنعا کې د برېښنا پر دوو مرکزونو او په حدیده کې پر دوو بندرونو او د تېلو پر تاسیساتو هوایي بریدونو کې لږ تر لږه نهه کسان وژل شوي دي.

د ۲۰۲۳ کال د اکټوبر له اوومۍ پر اسراییل د حماس له بریدونو راهیسي، اسراییل د غزې په تړانګه کې ۴۵ زره او ۱۰۰ فلسطینیان چې ډېری یې ښځې او ماشومان دي وژلي دي.

د یادونې وړ ده، چې د جرمونو نړۍوالې محکمې تېره میاشت د اسراییل د لومړي وزیر بنیامین نتنېاهو او د هغه د پخواني دفاع وزیر یوف ګالنټ په غزه کې د جنګي جرمونو او بشري ضد جرمونو له امله د نیولو حکم یې صادر کړ.

دا پیښه د چهارشنبې په ورځ د نایجیریا د سویل لویدیز اویو ایالت په پلازمینه عبادان کې په یوه اسلامي ښوونځي کې رامینځته شوې، چیرې چې د راپورونو له مخې تر ۵ زرو تنکي ځوانان د جشن لپاره راټول شوي وو.

د اویو ایالت د اطلاعاتو او مدني چارو کمیشنر دوتون اویلاد خبریالانو ته وویل، چې لږ تر لږه ۳۲ کسان وژل شوي دي.

د اسوشیټیډ پرس خبري اژانس د راپور له مخې، د سیمې څخه ویډیوګانو کې چې د پیښې ځای پکې ښکاري د ماشومانو لویه ډله ښیي چې ځیني یې ځایي روغتونونو ته لیږدول شوي دي.

د ایالت والي سیي ماکینډ پر اېکس پاڼې په یوه بیان کې وویل، چې سیمي ته امنیتي ځواکونه لیږل شوي چې پاتې کسان له سیمي وباسي او وضعیت کنترول کړي.

ماکینډ وویل: "دا یوه ډیره غمجنه ورځ ده. موږ له هغو مورانو او پلرونو سره خواخوږي لرو چې خوښۍ یې ناڅاپه د دې پېښې له امله په ماتم بدله شوې."