د چین شیګاتسه ښار د ریښتر په کچه د ۶.۸ درجې یوې زورورې زلزلې ولړزاوه
په چین کې د سې شنبې په سهار د تبت شیګاتسه ښار د ۶.۸ درجې یوې زورورې زلزلې ولړزاوه. رویټرز خبري اژانس راپور ورکړی، تر دې دمه په دغې زلزله کې د نهو کسانو د مړینې پخلی شوی دی.
په چین کې د سې شنبې په سهار د تبت شیګاتسه ښار د ۶.۸ درجې یوې زورورې زلزلې ولړزاوه. رویټرز خبري اژانس راپور ورکړی، تر دې دمه په دغې زلزله کې د نهو کسانو د مړینې پخلی شوی دی.
زلزله په ځايي وخت د سهار په ۹:۰۵ دقیقو وشوه، چې د ښار په شاوخوا سیمو کې یې سخت ټکانونه احساس شول.
دغې زلزلې د چین ترڅنګ ګاونډیو هېوادونو نیپال، بوتان او هند کې هم ځینې ودانۍ ولړزولې.
د هندي رسنیو په وینا د زلزلې ټکانونه د نیپال له پلازمینې کټمنډو څخه شاوخوا ۴۰۰ کیلومتره (۲۵۰ میله) لرې هم احساس شوي دي او خلک له وېرې د کورونو پرېښودو ته اړ شوي دي.
د چين سوېل لويديځه برخه ډېری وخت د زلزلې له کبله ځپل کېږي.
په ۲۰۰۸ کال کې په سیچوان ولایت کې یوې سختې زلزلې شاوخوا ۷۰ زره کسان مړه کړي وو.
د چین د دولتي نشراتو سي سي ټي وي په وینا، په تېرو پنځو کلونو کې د شیګاتسي زلزلې په ۲۰۰ کیلومترۍ کې دننه ۲۹ زلزلې شوې دي.
