په یمن کې د ګازو په یوه سټیشن کې د چاودنې له امله ۸۲ کسانو ته مرګ ژوبله اوښتې ده
روغتیایی چارواکو د یکشنبې په ورځ وویل، چې د یمن په مرکزي برخه کې د ګازو په یوه سټیشن کې د چاودنې له امله لږ تر لږه ۱۵ کسان وژل شوي او ۶۷ کسان نور ټپیان دي.
روغتیایی چارواکو د یکشنبې په ورځ وویل، چې د یمن په مرکزي برخه کې د ګازو په یوه سټیشن کې د چاودنې له امله لږ تر لږه ۱۵ کسان وژل شوي او ۶۷ کسان نور ټپیان دي.
د حوثي یاغیانو د روغتیا وزارت په یوه بیان کې راغلي، چې دا چاودنه د شنبې په ورځ د بیدا ولایت په زهیر ولسوالۍ کې شوې ده، چې په پېښه کې د ۴۰ تنو حالت نازک بلل شوی دی.
یاد وزارت ویلي، چې د ژغورنې ډلې د هغو کسانو په لټه کې دي، چې راپور یې ورک شوی دی.
تر اوسه روښانه نه ده، چې د چاودنې لامل څه و.
په ټولنیزو رسنیو کې خپاره شوي انځورونه ښيي، چې چاودنه لویه ده او زیات شمېر موټر یې سوځولي دي.
