د ارغواني شنبو غورځنګ: د افغان ښځو وضعیت ته د نړۍوالې ټولنې او م.م لېوالتیا مخ په کمېدو ده
د ارغواني شنبو غورځنګ وايي، لکه څنګه چې نړۍوال لومړیتوبونه بدلېږي؛ د افغانستان د ښځو وضعیت ته د نړۍوالې ټولنې او ملګرو ملتونو لېوالتیا هم کمېږي.
د ارغواني شنبو غورځنګ وايي، لکه څنګه چې نړۍوال لومړیتوبونه بدلېږي؛ د افغانستان د ښځو وضعیت ته د نړۍوالې ټولنې او ملګرو ملتونو لېوالتیا هم کمېږي.
دغه غورځنګ پر اېکس پاڼه لیکلي، دغه لېوالتیا داسې مهال کمېږي چې په افغانستان کې د ښځو د حقونو ځپنه ګواښونکې کچې ته رسېدلې ده.
په دغې لیکنه کې راغلي، چې په تېرو دوو کلونو کې طالبانو په سیسټماتیک ډول زدهکړو، کار کولو او عامه ژوند ته د ښځو لاسرسی محدود کړی دی.
د لیکنې له مخې، ښځې اوس پوهنتونونو ته له تګه، په ډېریو برخو کې له کار کولو او د نارینه سرپرست پرته له سفر کولو څخه منعه شوې دي.
دغه غورځنګ زیاته کړې، د ښځو په مشرۍ د ځینو سازمانونو او بنسټونو تړل او د ښځو د جامو په اړه د طالبانو تګلاره دا په ډاګه کوي چې دغه ډله ښځې له عامه ځایونو څخه حذفوي.
دغه غورځنګ وړاندې کاږي، چې د دغو ټولو سختو سرغړونو سره، سره د نړۍوالې ټولنې غبرګون ډېر «نرم» و.
د لیکنې په وروستۍ برخه کې راغلي، که څه هم نړۍوالې ټولنې د دغو سرغړونو په تړاو سمبولیکه غندنه او کله ناکله اندېښمنونکي بیانونه خپاره کړي؛ خو دا د طالبانو د حساب ورکولو یا د افغان ښځو د ملاتړ لپاره په عملي بڼه نه دي بدل شوي.