د افغانستان د فوټسال ملي لوبډلې د مراکش د ډلبندۍ په څلور اړخیزو سیالیو کې د چین فوټسال ملي لوبډلې ته ماتې ورکړه. د افغانستان د فوټسال ملي لوبډله بېګا شپه له چینايي لوبډلې سره مخامخ شوه او په پای کې یې ۶-۲ په توپیر بریا خپله کړه.
د فوټسال ملي لوبډلې چین ته په ماتې ورکولو سره په دغو سیالیو کې درېیم مقام خپل کړی دی.
د فوټسال په دغه سیالیو کې د افغانستان، پرتګال، چین او مراکش لوبډلو برخه اخیستې او دغه لوبې د مراکش په کوربهتوب ترسره کېږي.
د افغانستان لوبډله په خپلې لومړۍ سیالۍ کې د پرتګال سره مخامخ شوه، چې د ۱-۳ په توپیر یې یې ماتې وخوړه.
د افغانستان د فوټسال ملي لوبډلې په وروستیو کلونو کې د پام وړ پرمختګونه کړي دي.
په ۲۰۲۴ کال کې دغې لوبډلې د اسیايي فوټسال سیالیو په مقدماتي پړاو کې ګډون وکړ او د سعودي عربستان، مکاو او اندونیزیا سره یې په یوه ډله کې سیالۍ ترسره کړې.
