ویتکاف: امریکا هڅه کوي له ایران سره د خبرو څلورم پړاو د دې اوونۍ په پای کې ترسره کړي
د اکسیوس د راپور له مخې، له ایران سره د خبرو اترو لپاره د امریکا استازی استیو ویتکاف وایي، چې امریکا هڅه کوي له ایران سره د اټومي خبرو اترو څلورم پړاو د دې اوونۍ په پای کې پلان کړي.
په دې راپور کې د ویتکاف له قوله راغلي: «که دا خبرې اترې ترسره نه شي، یوازینی علت به یې منځني ختیځ ته د ولسمشر ټرمپ سفر وي.»
ویتکاف له تهران سره خبرې مثبتې ارزولي او زیاته کړې ده: «مونږ پرمختګونو ته رسېدلي یو. هیله لرم چې دا بهیر په سمه لار مخ ته لاړ شي. ولسمشر غواړي چې دا مسله له ډیپلوماټیکو لارو حل شي، ځکه هر کار چې اړتیا وي مونږ یې ترسره کوو، ترڅو دغه بهیر په جریان کې شي.»
