پاکستان خپل پوځ ته پر هند د ځوابي برید واک ور کړی

قوماندانې قریشي زیاته کړې، د نورو اتو په نښه شویو موخو ترڅنک مو د لشکر طبیه ترهګرې ډلې مرکز په نښه کړی.

دغه مرکز له سرحدي کرښې څخه ۳۰ کیلومټره وړاندې پروت دی.

د ۲۰ اپریل ۲۰۲۳ کال په ترهکریزو بریدونو او ۹ د جون ۲۰۲۴ کال د مذهبي وکړو پر موتړ بریدکونکي ترهګر په همدغه مرکز کې روزل شوي وو.

د جیش محمد ډلې مشرمسعود اظهر په یوه اعلامیه کې وویل، چې په بهاولپور ښار کې پر سبحان‌الله مرکز برید کې دده د کورنۍ لس تنه غړي او څلور نږدې ملګري وژل شوي دي.

اظهر وايي، دده مشره خور او د هغې مېړه، دوه ورېرونه، ورېندار او د کورنۍ پنځه ماشومان د وژل شویو کسانو په ډله کې دي.

هغه ویلی، «د نرېندرا مودي ظلم له ټولو پولو واوښت، له دې وروسته دې هیڅوک د رحم تمه نه کوي.»

د هندو ورځپاڼې د راپور له مخې، دغه ورځپاڼې ته یوه هندي چارواکي ویلي چې له برید وروسته لږ تر لږه درې هندي جیټ الوتکې د جمو او کشمیر په اخنور، رامبان او پامپور سیمو کې لوېدلي دي.

هندو ورځپاڼې دغه خبر په خپله ایکس پاڼه خپور او وروسته بیرته له پاڼې لرې کړی دی.

دغې هندي ورځپاڼې د الوتکو د لوېدلو د لامل په اړه څه نه دي ویلي.

هندي رسنۍ انډیا نیوز د ځینو چارواکو له قوله راپور ورکړی، چې له سیندور عملیاتو وروسته، هند د امریکا، روسیې، انګلستان، متحده عربي اماراتو او سعودي عربستان په ګډون له څو مخکښو هیوادونو سره اړیکه نیولې او هغوی ته یې په پاکستان او د پاکستان تر واک لاندې کشمیر کې پر نهو ترهګریزو موخو د پوځي برید په اړه معلومات ورکړي دي.

سرچینې ویلي: «لوړ پوړو هندي چارواکو په یو شمیر هیوادونو کې له خپلو سیالانو سره خبرې کړې ترڅو دوی ته د هند له‌خوا د پورته شویو ګامونو په اړه معلومات ورکړي.»

دغه عملیات څو ورځې وروسته له هغه نن سهار وختي ترسره شول، چې د هند لومړي وزیر مودي وسله والو ځواکونو ته د پهلګام ترهګریز برید ته د ځواب ویلو لپاره بشپړه آزادي ورکړه.

د امریکا د اېن‌پي‌ار راډیو د راپور پر بنسټ، د مرستو ډېر کمښت او په ځانګړي ډول د امریکا تر مالي ملاتړ وروسته، یاد نړۍوال بنسټ سږکال د ۴۰ سلنه بودیجې له کمښت سره مخ دی.

د جان هاپکنز پوهنتون د بشري روغتیا مرکز رییس پاول شپیګل وايي: «زه له نږدې ۳۰ کلونو راهیسې د بشرپاله مرستو په برخه کې کار کوم او ما هېڅکله داسې وضعیت نه دی لیدلی. په نړۍواله کچه د خوړو په مرستو کې دا لوی کمښت کولای شي ویجاړونکی اوسي.»

نوموړي خبرداری ورکړی، چې د مرستو ناڅاپي کمښت به د ډېرو اړمنو خلکو د مرګ لامل شي.

له دې مخکې د خوړو نړۍوال پروګرام د اپرېل په میاشت کې د خپلې اېکس‌پاڼې له لارې په یوه بیان کې خبرداری ورکړی و، چې له ۱۴ هېوادونو سره د امریکا د مرستو بندېدل به د مېلیونونو خلکو لپاره «د مرګ سزا» وي.

که‌ څه هم د ټرمپ دولت د دې مرستو یوه برخه بېرته ورکړې وه، خو د افغانستان او یمن غوندې هېوادونو لپاره بیا دا مرستې تمدید نه شوې.

د یادونې ده، چې په ۲۰۲۴ کال کې په افغانستان کې د خوړو له نړۍوال خوراکي پروګرام سره د امریکا مرسته شاوخوا ۲۸۰ مېلیونه ډالر وه، خو اوس د ټرمپ دولت دا مرسته صفر ته راټیټه کړې ده.