پاکستان خپل پوځ ته پر هند د ځوابي برید واک ور کړی
د پاکستان د ملي امنیت کمېټې (NSC) د چارشنبې په ورځ پوځ ته اجازه ورکړې چې د هند د هوایي بریدونو ځواب لپاره خپل وخت، ځای او طریقه وټاکي او د ملګرو ملتونو د منشور د ۵۱مې مادې له مخې د خپلې دفاع حق خوندي وساتي.
د ایکسپرېس ټربیون د رپوټ له مخې، غه پرېکړه د پاکستان د ملي امنیت کمیټې د یوې فوقالعاده غونډې په ترڅ کې شوې چې د لومړي وزیر شهباز شریف په مشرۍ په اسلاماباد کې جوړه شوې ده.
په اعلامیه کې ویل شوي، چې دا بریدونه «بېدلیله، بزدلانه او د ناقانونه جګړې اعمال» دی.
پاکستان د هند ادعاوې، چې ګواکې د ترهګرو کمپونه په پاکستان کې موجود دي، رد کړې دي.