محمد بن سلمان او شهباز شریف د دوو اړخيزو اړیکو پر پياوړتيا خبرې کړي
د سعودي عربستان بهرنيو چارو وزارت ویلي، چې د پاکستان لومړي وزير د سعودي له ولیعهد محمد بن سلمان سره په ليدنه کې د دوو اړخيزو اړیکو پر پياوړتيا او د همکارۍ پر زیاتولي خبرې کړي دي. پاکستانۍ رسنۍ وايي، چې شریف د عربستان په بلنه په دوه ورځني سفر دغه هېواد ته تللی دی.
د سعودي عربستان د بهرنیو چارو وزارت د جمعه په ورځ (د غبرګولي ۱۶مه) پر اېکس د ولیعهد محمد بن سلمان او شهباز شرف د لیدنې خبر ورکړی.
وزارت ویلي، چې دواړو لورو د اختر د مبارکۍ ترڅنګ د دوه اړخيزه همکاریو او په بېلابېلو برخو کې د پراختيا پر لارو چارو بحث کړی.
د معلوماتو له مخې، چې په ناسته کې د وروستيو سیمه ييزو پرمختګونو او د امنیت د تامین لپاره يې پر نویو هڅو هم خبري کړي.
پرون پنجشنبه پاکستاني رسنیو ویلي وه، چې د دغه هېواد لومړی وزیر شهباز شریف د یوه لوړپوړي پلاوي په مشرۍ د دوه ورځني سفر په موخه سعودي عربستان ته ځي.
دغو رسنیو ویلي، چې شریف به د سوداګرۍ همکاري، پانګونې فرصتونو او د اسلامي هېوادونو د اړوندو موضوعاتو په تړاو خبرېاترې وکړي.
د پاکستان د بهرنیو چارو وزارت ویلي، چې دا سفر کولای شي د سعودي عربستان د ۲۰۳۰ په پروګرامو کې د دواړو هېوادونو ترمنځ د همکاریو نوې لارې پرانېزي.