طالبانو په میدان وردګ او بغلان ولایتونو کې ۵ کسان په دُرو ووهل
د طالبانو سترې محکمې په میدان وردګ او بغلان ولایتونو کې ۵ کسان د «لواطت او د جعلي اسنادو» د جوړولو په تور د یو شمېر خلکو په حضور کې په ۳۹ او ۲۰ دُرو وهلي دي.
د طالبانو سترې محکمې په میدان وردګ او بغلان ولایتونو کې ۵ کسان د «لواطت او د جعلي اسنادو» د جوړولو په تور د یو شمېر خلکو په حضور کې په ۳۹ او ۲۰ دُرو وهلي دي.
د طالبانو د سترې محکمې مسوولینو د میدان وردګ ولایت په سید اباد ولسوالۍ کې ۳ کسان د لواطت په تور نن (دوشنبه د زمري ۱۳مه) د یادې ولسوالۍ د ابتداییه محکمې په انګړ کې په ۳۹ دُرو ووهل او هر یو یې په ۳ میاشتې تنفیذي بند هم محکوم کړي دي.
له دې سر سم، په بغلان کې هم دوه کسان د جعلي اسنادو د جوړولو په تور نن د مرکزي بغلان ولسوالۍ د ابتداییه محکمې په انګړ کې په ۲۰ دُور وهل شوي دي.
د طالبانو د سترې محکمې د خبرپاڼې له مخې، یاد دوه کسان په شپږ- شپږ میاشتو تنفیذي حبس هم محکوم شوي دي.
