ټرمپ: د اوکراین جګړه یوازې په دفاع نه ګټل کېږي
د امریکا ولسمشر ډونالډ ټرمپ، داوکراین او روسیې د جګړې په اړه وایي چې د جګړې بریا یوازې د دفاع په وسیله ناشونې او ګټل یې برید ته اړتیا لري.
د امریکا ولسمشر ډونالډ ټرمپ، داوکراین او روسیې د جګړې په اړه وایي چې د جګړې بریا یوازې د دفاع په وسیله ناشونې او ګټل یې برید ته اړتیا لري.
ټرمپ په خواله رسنۍد جګړې وضعیت د ورزشي لوبو له بېلګې سره تشبیه کړی او لیکلي یې دي: «دا داسې ده لیکه یو لوی ټیم چې قوي دفاع لري، خو اجازه نه لري برید وکړي. په دې حالت کې هېڅ د بریا امکان نه شته. د اوکراین او روسیې حالت همداسې دی.»
هغه د جو بایډن پر تګلارو سختې نیوکې کړي او هغه یې «فاسد او نالایق» بللی دی.
د ټرمپ په وینا، بایډن یوازې د اوکراین دفاع ته اجازه ورکړې وه، خو جګړې ته یې نه دی پرېښی چې دا کار د ستونزو او ناکامۍ لامل شوی دی.
ټرمپ ټینګار کړی چې که دی ولسمشر وای، دا جګړه هېڅکله نه پیل کېده.
هغه وویل: «چانس یې صفر و. موږ په یوه جالب وخت کې داخل شوي یو.»
د امریکا ولسمشر همداراز څرګنده کړې، که د روسیې او اوکراین ترمنځ سیاسي حل ناشونی وبلل شي، ښايي د دوو اوونیو په موده کې د جګړې په اړه خپل دریځ بدل کړي.
