ټرمپ د شمالي کوریا له مشر «کیم جونګ اون» سره د لیدنې تمه لري

د راپورونو له مخې، د غزې په ناصر روغتون کې د اسراییل په برید کې لږ تر لږه ۲۰کسان وژل شوي، چې پکې پنځه خبريالان هم شامل وو.

حمدالله فطرت وايي: « اسراییل د جنايتونو او ټولوژنو په دوام، يوازې نن ورځ د لسګونو مظلومو فلسطينيانو تر څنګ پنځه تنه خبريالان هم په شهادت رسولي دي. موږ يو ځل بيا د فلسطين د مسلمانانو روانه نسل وژنه او د اسراییل وحشيانه يرغل په کلکو ټکو غندو.»

هغه زیاته کړې: «د خبريالانو وژنه يو ستر جنايت او د بيان د ازادۍ د مدعيانو پر لمن تور داغ دی.»

د راپورونو له مخې، دجګړې له پیل راهيسې د فلسطين په غزه کې د وژل شویو خبريالانو شمېر له ۲۵۰ څخه اوړي.

د فلسطين خبريالانو اتحاديې او نړيوالو ادارو د دې پېښو غندنه کړې او له نړیوالې ټولنې يې غوښتنه کړې چې د خبريالانو د خونديتوب لپاره جدي اقدامات وکړي.

پاکستان وویل چې هند دغه معلومات له دیپلوماتیکو لارو ور رسولي، نه د ۱۹۶۰ کال د «اېندوس اوبو تړون» له مخې.

د هند یوې سرچینې رویټرز ته ویلي، چې خبرداری یوازې د «بشري خواخوږۍ» له مخې ورکړل شوی.

د روانو بارانونو او سېلابونو له امله تر اوسه په پاکستان کې ۷۹۹ او په هند کې لږ تر لږه ۶۰ تنه مړه شوي دي. چارواکي وايي د سپټمبر تر لسمې به د نورو سختو بارانونو احتمال هم وي.

د پاکستان د پېښو مدیریت ادارې ویلي، د هند له لوري شریک شوي اطلاعات د تاوي سیند د اوبو د ډېرېدو په اړه وو، چې له سرحده تر تېرېدو وروسته د ستلج سیند بڼه خپلوي.

پاکستان بیا هم له هند څخه غوښتي چې د «اېندوس د اوبو تړون» ټول شرایط عملي کړي او خبرداری یې ورکړی چې د تړون ځنډول د نړیوال قانون جدي سرغړونه ده چې د سیمې پر سولې او ثبات منفي اغیزې لرلی شي.

مومني د ایران له تسنیم خبري اژانس سره په ځانګړې مرکه کې وویل، د روان کال له پیل راهیسې نږدې یو میلیون او ۲۰۰ زره کسان خپلو هېوادونو ته ستانه شوي، چې د هغه په وینا، ۷۰ سلنه یې په خپله خوښه وتلي او پاتې نور د ایران د چارواکو په همغږۍ ستانه شوي دي.

نوموړي ټینګار وکړ چې د ایران د میشتونې ظرفیت محدود دی او باید د ناقانونه کډوالو د ستنولو لړۍ دوام ولري.

که څه هم د ایران چارواکي د افغان کډوالو بېرته ستنول د نړیوالو اصولو په چوکاټ کې ګڼي، خو په وروستیو میاشتو کې د بشري حقونو سازمانونو او د کډوالو کورنۍ وايي، چې د ایران حکومت د خپلې خوښې ستنېدنې تر نامه لاندې، په پراخه کچه افغان کډوال په جبري ډول ایستلي دي.

د راپورونو له مخې، یوازې په تېرو میاشتو کې له یو میلیون څخه ډېر افغانان د ایران له خاورې شړل شوي او افغانستان ته ستانه کړل شوي دي.

ستنېدونکي افغانان زیاتوي چې ډېری یې له قانوني پروسې او د ژوند د اساسي اړتیاوو له برابرولو پرته ایستل شوي، چې له امله یې په افغانستان کې د بېوزلۍ، بېکارۍ او د بشري ناورین کچه نوره هم لوړه شوې ده.

ایران د طالبانو تر بیا واکمنېدو وروسته په وار وار اعلان کړی چې د ناقانونه مېشتو افغانانو ستنول به چټک کړي.

دایران د کورنیو چارو وزیر په خپله وروستۍ مرکه کې وویل، چې د افغان کډوالو د ستنولو بهیر له طالبانو سره په همکارۍ پلی کوي.

د روانې میاشتې په پیل کې د لبنان کابینې د امریکا د هغه پلان موخې تصویب کړې، چې هدف یې د حزب‌الله او نورو وسله‌والو ډلو بې‌وسله کول دي.

د نتنیاهو دفتر ویلي، چې که د لبنان پوځ د دې پلان پر پلي کولو لاس پورې کوي، اسراییل به متقابل ګامونه په پام کې ونیسي، چې د خپل پوځي حضور کمول هم پکې شامل دي.

حزب‌الله د بې‌وسلې کولو غوښتنې رد کړې دي.

په دویم برید کې د رویټرز قراردادي عکاس حاتم خالد ټپي شوی دی.

د اسراییل پوځ او د لومړي وزیر دفتر د بریدونو په اړه سملاسي څرګندونې نه دي کړي.

شاهدانو ویلي، دویم برید هغه مهال وشو، چې د ژغورنې کارکوونکي، خبریالان او نور خلک د لومړي برید ځای ته ورغلل.

د المصري له خوا د رویټرز ژوندی ویډیو پوښښ د لومړي برید په وخت کې ناڅاپه بند شو.

د غزې د روغتیا چارواکو د نورو درې خبریالانو نومونه مریم ابو دغه، محمد سلامه او معاذ ابو طه یاد کړي.

د فلسطین د خبریالانو اتحادیې په وینا، د ۲۰۲۳ کال د اکتوبر له ۷ مې راهیسې په غزه کې د جګړې په جریان کې د اسراییلي بریدونو له امله له ۲۴۰زیات فلسطیني خبریالان وژل شوي دي.