ذبیحالله مجاهد: په کونړ کې د زلزلې له کبله د مړو شمېر ۸۰۰ او د ټپیانو ۲۵۰۰ ته ورسېد
د طالبانو ویاند ذبیح الله مجاهد وايي، چې له کونړ څخه د وروستيو معلوماتو پربنسټ د زلزلې له کبله ۸۰۰ کسان مړه او ۲۵۰۰ نور ټپیان شوي دي؛ خو دغه شمېر لا وروستی نهدی.
د طالبانو ویاند ذبیح الله مجاهد وايي، چې له کونړ څخه د وروستيو معلوماتو پربنسټ د زلزلې له کبله ۸۰۰ کسان مړه او ۲۵۰۰ نور ټپیان شوي دي؛ خو دغه شمېر لا وروستی نهدی.
هغه وایي، له دې ډلې په ننګرهار کې ۱۲ کسان مړه او ۲۵۵ نور ټپیان شوي، په لغمان او نورستان کې ۶۴ کسان ټپیان شوي او په پنجشېر ولایت کې یوازې پنځه د استوګنې کورونه ویجاړ شوي چې مرګ ژوبله نهلري.
نوموړي ویلي، چې د پېښې ځای ته د دوی د کابینې څو وزیران او ټیمونه د بېړنیو مرستو لپاره رسېدلي دي. هغه زیاته کړې، چې له زیانمنو سره د مرستې لپاره زر لکه افغانۍ ځانګړې شوې دي؛ خو ټول باید مرستې ته راودانګي.
د نوموړي په خبره؛ د طالبانو مشرتابه ټولو ادارو ته سپارښتنه کړې، چې له ځنډ پرته سیمې ته ځانونه ورسوي او د مړو د تدفین او د ټپیانو د درملنې په برخه کې له خپلو ټولو امکاناتو کار واخلي.
د طالبانو ویاند وايي، چې د پېښې شمېره هره شېبه بدلېدای شي؛ ځکه چې په ټکو یې لاهم ځینې ډلې د پېښې ځای ته لاسرسی نهلري.
مجاهد وايي، په کونړ کې ځینې کلي په بشپړ ډول لهمنځه تللي او وخت ناوخت له دغه ځایه دوی ته وروستۍ شمېرې رارسېږي چې له رسنیو سره به یې شریکې کړي.
هغه همدا راز پر نړۍوالو مرستندویه بنسټونو غږ وکړ، چې په افغانستان کې اوس د دوی لپاره له امنیتي اړخه ستونزه نشته؛ نو په کاره ده چې د دغه لوی بشري ناروین په مهارولو کې له دوی سره مرسته وکړي.
