د طالبانو د عامې روغتیا وزرات وايي، په کونړ کې د روغتیايي خدمتونواو نورو اړینو اسانتیاوو د غوره مدیریت، سمون او تنظیم په موخه یې د خاص کونړ ولسوالۍ په نظامي قرارګاه کې د همغږۍ یوه کمېټه جوړه کړې. دغه کمېټه د یو ګرځنده روغتیايي مرکز او یو کمپ پر جوړولو کار کوي.
یاد وزارت زیاتوي چې دغه کمېټه د سرې میاشتې ټولنې، د ولایت مقام او اړوندو مرستندویه موسسو په همکارۍ جوړه شوې ده.
د طالبانو د عامې روغتیا وزارت د سې شنبې په ورځ وویل، چې یاده ګډه کمېټه به په دې قرارګاه کې د خوراکي توکو د مرستو د منظم جلب او عادلانه وېش تر څنګ د یو ګرځنده روغتیايي مرکز او یو کمپ په جوړولو کار وکړي.
د یاد وزارت په وینا، دغه کمېټه او کمپ به د زلزله ځپلو لپاره د لومړنیو او بېړنیو روغتیايي خدمتونو زمینه برابره کړي.
