د واشنګټن د نوي سیاسي فشار اعلان؛ د امریکايي د بندي کولو په بدل کې سخت بندیزونه لګول کېږي
د امریکا ولسمشر ډونالډ ټرمپ د جمعې په ورخ یو داسې اجراییوي فرمان لاسلیک کړ چې لهمخې یې واشنګټن ته لاره پرانېستل کېږي څو پر هغو هېوادونو چې امریکایان په کې بندیان دي تر سختو فشارونو، بندیزونو او محدودیتونو لاندې راشي. دې هېوادونو کې افغانستان، چین او ایران هم شامل دي.
د امریکا د بهرنیو چارو وزیر مارکو روبیو په یوې خبرپاڼه کې ویلي: «هر څوک چې یو امریکايی د معاملو د وسیلې په توګه وکاروي، بیه به یې ورکړي. دا اداره نه یوازې امریکا لومړی ګڼي، بلکې امریکایان هم ورته لومړیتوب لري».
