طالبانو د بلخ په ځینو دولتي ادارو کې انټرنېټ بند کړی

کارني په اېکس خواله رسنۍ لیکلي، کاناډا د پولنډ او د ناټو له ټولو متحدانو سره ولاړه ده او له هغوی سره نږدې همغږي ساتي.

هغه ټینګار کړی، چې روسیه هڅه کوي څو جګړه وغځوي او پراخه یې کړي، خو ناټو هېوادونه به د دغو هڅو پر وړاندې په بشپړه توګه هوښیار پاتې شي.

نوموړي زیاته کړې: «پوتین یو ځل بیا ښيي چې د سولې پر لور هېڅ درناوی نه لري. د روسیې وروستۍ کړنې چې د اوکراین پر ملکي وګړو د تېرې اوونۍ له وحشیانه بریدونو وروسته ترسره شوې، د دې ښکارندويي کوي چې د اوکراین لپاره زموږ پرله‌پسې ملاتړ څومره مهم دی.»

د کاناډا لومړي وزیر ټینګار کړی، چې د اوکراین او اروپا دایمي سولې ته د رسېدو یوازینۍ لاره دا ده چې د پوتین پر وړاندې فشارونه زیات شي او دغه جګړه پای ته ورسول شي.

د امریکا ولسمشر په خپله ټولنیزه شبکه «ټروت سوشل» کې د هغه د مړینې په اړه لیکلي دي: «چارلي کرک یو ستر او حتی افسانوي شخصیت و. هېچا د ده په څېر د امریکا د ځوانانو زړه او ذهن نه و درک کړی.»

په ټولنیزو شبکو خپرې شوې ویدیوګانې ښيي، چې کرک په اروما ښار کې د یوتا په پوهنتون کې د یوه لوی لاریون پر مهال د وینا پر وخت د ډزو ښکار شو.

د ډزو له غږ وروسته هغه لاس پر غاړه کېښود او له سټېج څخه راوغورځېد، په همدې وخت کې ګډونوال د ډار له امله تیت شول.

چارلي کرک د محافظه‌کارو ځوانانو تر ټولو د ستر سازمان بنسټ اېښودونکی و، کوم چې د ټرمپ د ملاتړ په جلبولو کې مهم رول لوبولی و.

د پېښې په تړاو پلټنې روانې دي او د امریکا فدرالي پلټنو ادارې «اېف بي ای» د دغه برید په تړاو هر اړخیزې څېړنې پیل کړې دي.

د یادولو وړ ده، چې له چارلي کرک څخه د هغه مېرمن ایریکا او دوه کوچني ماشومان پاتي شوي دي.

سټارمر له اسراییلي چارواکو غوښتي، چې د جګړې روان مسیر بدل کړي او د ملکي وګړو د خوندي کولو لپاره عملي ګامونه پورته کړي.

د هغه په وینا، برېتانیا او اسراییل «زوړ او اوږدمهالی اېتلاف» لري، خو لندن به د سیمه‌ییزې سولې لپاره خپلې هڅې جاري وساتي.

لومړي وزیر ټینګار کړی، چې دایمي او عادلانه سولې ته رسېدل یوازینۍ لاره ده چې د دواړو ملتونو لپاره د تاوتریخوالي پر ځای ثبات او همکاري تضمینولای شي.

بنیامین نتنیاهو ویلي، لکه څنګه چې امریکا د سپټمبر له ۱۱مې وروسته په افغانستان کې القاعده وځپله، همداسې اسراییل هم په قطر کې د حماس مشران په نښه کړل. نوموړي دغه برید یو «مشروع اقدام» وباله.

هغه د ۲۰۲۳کال د اکټوبر ۷مې پېښې ته په اشارې سره زیاته کړه: «موږ خپل ۱۱سپټمبر لرو. هغه ورځ چې تر ټولو خونړی وحشت د یهودي ولس پر وړاندې ترسره شو.»

لومړي وزیر ټینګار وکړ، چې د امریکا په څېر اسراییل هم د خپلو خلکو د خوندیتوب لپاره د سخت دریځه «اسلامپاله ترهګرو» د له منځه وړلو حق لري.

نتنیاهو پر قطر کلکه نیوکه وکړه او ویې ویل:«دغه هېواد ترهګرو ته پناه ورکوي، مالي مرسته ورسره کوي او د حماس مشران په مجللو ماڼیو کې ځای پر ځای کوي.»

هغه د نړۍوالو نیوکو په ځواب کې وویل: «کله چې امریکا اسامه بن لادن وواژه، نړۍ یې ستاینه وکړه. نن باید هم اسراییل د همدې اصولو د عملي کولو لپاره وستایل شي، نه دا چې وغندل شي.»

نتنیاهو په خپلو څرګندونو کې قطر او نورو هېوادونو ته ګواښ وکړ، چې که د حماس مشران له خپلو خاورو ونه باسي او عدالت ته یې ونه سپاري، نو اسراییل به خپله دغه کار ترسره کړي.

له دې مرستې څخه ۲۰۰زره ډالر د روغتیا نړیوال سازمان له لارې د غزې د ماشومانو د درملنې لپاره د اردن روغتونونو ته د هغوی د لېږد پر پروګرام لګیږي، ۱۵۰ زره ډالر د ماشومانو ژغورنې ادارې له لارې په غزه کې د دوامدارو بشري مرستو د ملاتړ لپاره او ۱۵۰زره ډالر په غزه او اوکراین کې د هغو ماشومانو لپاره د مصنوعي غړو په جوړولو کې مصرفیږي چې په جګړو کې یې د بدن غړي له لاسه ور کړي دي.

شاهزي هري د ټپي ماشومانو د وضعیت په اړه ویلي:«هېڅ یوه اداره نه شي کولی په یوازې دا ستونزه حل کړي. غزه اوس د ماشومانو د غړو د پرې کېدو له پلوه په نړۍ او تاریخ کې تر ټولو لوړه کچه لري. اړتیا ده چې حکومتونه، ساینس، طب، بشري مرستې او مدني ټولنه ګډ کار وکړي څو ډاډمن شو چې ماشومان له چاودنو وروسته ژوندي پاتې شي او د بیا رغېدو زمینه ورته برابره شي.»

د روغتیا نړیوال سازمان د هري د خیریه بنسټ له لوري د غزې د ماشومانو د ملاتړ لپاره د مرستې هرکلی کړی دی.