د سعودي عربستان مفتي او د علماوو شورا رییس ومړ
د سعودي عربستان شاهي دفتر اعلان وکړ، چې د دغه هېواد لوی مفتي او د مشرانو علماوو شورا رییس شیخ عبدالعزیز بن عبدالله بن محمد الشیخ د سې شنبې په ورځ ومړ.
د سعودي عربستان شاهي دفتر اعلان وکړ، چې د دغه هېواد لوی مفتي او د مشرانو علماوو شورا رییس شیخ عبدالعزیز بن عبدالله بن محمد الشیخ د سې شنبې په ورځ ومړ.
دې ادارې د یوې اعلامیې په خپرولو سره ویلي، چې د هغه جنازه به نن د ماسپښین له لمانځه وروسته په ریاض کې د امام ترکي بن عبدالله جومات کې ترسره شي.
دولتي الاخباریه او العربیه خبري چینلونو هم د شاهي محکمې او رسمي سعودي پریس اژانس (اېس پې اې) په حواله دا خبر تایید کړ.
د سعودي پاچا سلمان بن عبدالعزیز ال سعود امر کړی، چې د هغه لپاره په غیاب کې د جنازې لمونځ وشي.
شیخ عبدالعزیز په ۱۹۹۹ کال کې د پاچا فهد له خوا لوی مفتي ټاکل شوی و او په دې ټولو کلونو کې په سعودي عربستان کې د علماوو شورا رییس هم و.
هغه د لوړ رسمي مذهبي مقام په توګه پیژندل کیده، چې د شرعي قانون تفسیر او په سعودي عربستان کې د قانوني او ټولنیزو مسایلو په اړه د فتواوو صادرولو مسوولیت یې درلود.
