نتنیاهو د نیویارک پر لور د اروپا له فضا د تېرېدو ډډه وکړه

عباس وویل: «حماس او نورې ډلې به اړې وي چې خپل وسلې د فلسطین ملي ادارې ته وسپاري. موږ بیا ټینګار کوو چې موږ وسله‌وال دولت نه غواړو.»

عباس ویلي، سره له دې ټولو کړاوونو چې خلکو ګاللي، په کلکه د حماس د اکټوبر ۷مې بریدونه ردوي.

هغه زیاتوي: « دا اقدامات د فلسطیني خلکو او د دوی د ازادۍ د عادلانه مبارزې استازیتوب نه کوي. موږ ټینګار کوو، چې د غزې تړانګه د فلسطین د دولت یوه نه بېلېدونکې برخه ده او موږ د حکومتدارۍ او امنیت بشپړ مسوولیت اخیستلو ته چمتو یو. حماس به په حکومتدارۍ کې کومه ونډه ونه لري.»

عباس وویل‌:«زموږ فلسطیني خلک په غزې تړانګه کې د اسراییلي اشغالګرو ځواکونو له خوا د نسل وژنې، ویجاړۍ، لوږې، او بیځایه کېدو جګړې سره مخ دي. له ۲۲۰ زرو زیات فلسطینیان وژل شوي یا ټپیان شوي، چې ډیری یې ماشومان، ښځې او مشران دي. سلګونه زره کسان مجبور شوي چې خپل کورونه پرېږدي، د خوړو او درملو د رسېدو مخه نیول شوې او دوه میلیونه فلسطیني په لوږه اخته دي.»

هغه وویل چې اسراییل ټول فلسطینی ولس محاصره کړی او د کورونو، ښوونځیو، روغتونونو، کلیساوو، جوماتونو او بنسټیزو تاسیساتو ۸۰ سلنه برخه یې ویجاړه کړې.

هغه زیاته کړه:«هغه څه چې اسراییل ترسره کوي یوازې تجاوز نه دی؛ دا جنګي جرم او د بشریت پر ضد جرم دی، چې مستند او څارل شوی او د تاریخ په پاڼو کې به د بشري ناورین تر ټولو یوه ویجاړوونکي څپرکي په توګه ثبت شي.»

عباس وویل: «سربېره پردې، د اسراییل لومړي وزیر هغه چې نوموړی یې د “لوی اسراییل” په نوم یادوي، پلان اعلان کړ، چې موږ یې په کلکه رد کوو او غندنه یې کوو. دا پلان یوه جدي سرغړونه ده، چې نړیوالو اقداماتو ته اړتیا لري».

هغه له ټولو هغو هېوادونو چې فلسطین یې په رسمیت پیژندلی مننه وکړه او له نورو هېوادونو یې هم وغوښتل چې دوی په رسمیت وپیژني.

نوموړي د غزې د جګړې د سمدستي او دایمي پای ته رسولو غوښتنه وکړه.

هغه ټینګار وکړ: «د لوږې د مخنیوي لپاره باید ملګري ملتونه جدي اقدامات وکړي او ټول یرغمل شوي کسان د دواړو خواوو څخه خوشې شي. د غزې تړانګې اشغال باید پای ته ورسیږي. فلسطیني دولت باید خپل بشپړ مسوولیت په غاړه واخلي، د غزې د تړانګې لپاره د اداري کمیټې مشري د فلسطین د حکومت وزیر وکړي، د عربي او نړیوال ملاتړ او حضور له لارې دې بیا د لویدیزې غاړې سره وصل کړي، څو ملکي وګړي خوندي پاتې شي او فلسطیني ځواکونه د ملګرو ملتونو تر چتر لاندې ملاتړ ترلاسه کړي».

نوموړي ټینګار وکړ چې فلسطین یو عصري، ډیموکراتیک دولت غواړي چې د نړیوال قانون، د قانون حاکمیت، تنوع او د سولې له لارې د واک انتقال رعایت کړي او د ښځو او ځوانانو د ځواکمنتیا لپاره ځانګړې پاملرنه لري.

عباس وویل،« موږ د امریکا ولسمشر ډونالډ ټرمپ، د سعودي عربستان او فرانسې،له ملګرو ملتونو او ټولو شریکانو سره د سولې د پلان د عملي کولو لپاره چمتو یو، چې د سپتمبر د ۲۲ مې په کنفرانس کې تصویب شوی او د عادلانه سولې او سیمه‌ییزې همکارۍ لور ته به لار هواره کړي».

د محکمې پرېکړه د توقع خلاف ډېره سخته ده او که پخوانی ولسمشر د پرېکړې پر وړاندې استیناف هم وغواړي، په زندان کې به وخت تېروي.

سارکوزي د محکمې پر پرېکړه غبرګون وښود او ویې ویل، « هغه څه چې نن وشول، د قانون د حاکمیت او پر عدلي سیسټم د باور لپاره خورا جدي دي.». هغه وايي، بښنه نه غواړي، ځکه دی بې ګناه دی.

هغه تورن دی، چې د معمر قذافي په وخت کې یې د ټاکنو پرمهال له نوموړي فنډ تر لاسه کړی و.

دا په داسې حال کې ده، چې ټرمپ د مې په میاشت کې هم په سعودي عربستان کې له احمد الشرع سره لیدلي و او اعلان یې کړی و، چې هغه به د بشار الاسد د واکمنۍ پر مهال پر سوریه لګول شوي لسیزې بندیزونه لرې کړي.

وروسته ټرمپ د دغو بندیزونو د یوې لویې برخې د لرې کولو او ځنډولو امر وکړ.

په ورته وخت کې تر ټولو سخت بندیزونه بیا چې په ۲۰۱۹ کال کې د کانګرس له خوا لګول شوي و، په خپل ځای پاتې دي او د دایمي لرې کولو لپاره د کانګرس رایې ته اړتیا لري.

د فرانسې ولسمشر د چهارشنبې په ورځ پر خپلې اېکس پاڼې لیکلي، چې ایران د خپلو اټومي ژمنو په برخه کې ولاړ نه دی پاتې شوی.

نوموړي زياته کړې، چې له همدې امله «فرانسې، المان او برېتانیا پرېکړه کړې، چې د میکانیزم ماشې بهیر فعال کړي.»

د مکرون په خبره، د دې بهیر له مخې به پر ایران بیا بندیزونه ولګوي.

مکرون ویلي، چې د نړۍوالې اټومي انرژۍ د ادارې تفتیشوونکو ته د لاسرسي امکانات، د غني شویو موادو د زېرمو په اړه شفافیت او د خبرو سمدستي بیا پیل غوښتنې یې د ایران ولسمشر مسعود پزشکان ته وړاندې کړي او هغه ته یې په ډاګه کړې ده، چې په دې برخه کې هېڅ ډول ځنډ د منلو نه دی.

مکرون د حل لارې په ډول زياته کړې، چې د دوی له خوا د ټاکل شویو قانوني شرایطو ته د ځواب لپاره ایران یوازي‌ څو ساعته وخت لري، چې موافقه وکړي او د سیمې او نړۍ د امنیت لپاره مثبت ځواب ووايي.

الشرع وویل، چې د بشار الاسد د رژیم له پرځېدو وروسته سوریه د اوږدې ډیکتاتورۍ له تورو فصلونو خلاصه شوې او د نړۍوالې ټولنې غېږ ته بېرته ورګرځېدلې ده.

د هغه په وینا، د شاوخوا شپېتو کلونو استبداد چې د نږدې یو میلیون انسانانو ژوند یې واخیست او سلګونه زره کسان یې زندانونو کې وځورول، اوس پای ته رسېدلی دی.

د سوریې ولسمشر په خپله وینا کې د حکومت د وروستیو لاسته راوړنو یادونه وکړه او زیاته یې کړه، چې د ملي او ټول‌شموله خبرو اترو لړۍ پیل شوې، د وړ کسانو پر بنسټ حکومت جوړ شوی او د ولس د پراخې ونډې اصل پیاوړی شوی دی. هغه وویل، چې د سوریې پارلماني ټاکنې د روان کال د تلې په ۱۳مه ترسره کېږي او خلک به د خپلې ملي شورا استازي وټاکي.

احمد الشرع د سوریې د نوې تګلارې درې بنسټیز محورونه د ملګرو ملتونو اسامبلۍ غړو ته ور وپېژندل، متعادله ډيپلوماسي، امنیت او ثبات، او اقتصادي پرمختګ.

هغه وویل، چې د ادارو او پوځ بیا رغونه شوې، پخوانۍ بوروکراسي له منځه وړل شوې او پر ځای یې د «وړتیا پر بنسټ دولت» جوړ شوی، چې د ولس د ګډون او باور د زیاتوالي سبب ګرځي.

نوموړي د نړۍوالو اړیکو د بیا رغونې خبرې هم وکړې او څرګنده یې کړه، چې د سوریې پر وړاندې د ځینو بندیزونو نرمېدل د نړۍوال باور یوه ښکاره نښه ده.

هغه زیاته کړه، چې د سیمې او نړۍ ستر شرکتونه د بیارغونې او پانګونې لپاره سوریې ته داخل شوي دي، خو ټینګار یې وکړ چې د ټولو بندیزونو بشپړ لغوه کېدل اړین دي تر څو د خلکو له اوږو د اقتصادي ستونزو «زنځیرونه» لرې شي.

ولسمشر الشرع وویل، چې د سوریې د خلکو د حقونو د تضمین لپاره د انتقالي عدالت کمېسیونونه جوړ شوي او د تېر رژیم د جنایتونو د څېړنې بهیر پیل شوی دی.

هغه ژمنه وکړه، چې ټول هغه کسان به د عدالت مخې ته ودرېږي چې د وینې بهېدو او ظلمونو مسوول ګڼل کېږي.

هغه په خپله وینا کې پر اسراییل هم توندې نیوکې وکړې او ویې ویل، چې د اسد د رژیم له نسکورېدو وروسته هم د اسراییل ګواښونه نه دي درېدلي. الشرع زیاته کړه، چې د ۱۹۷۴د اوربند تړون د بیا عملي کېدو لپاره خبرې روانې دي، که څه هم د اسراییل لومړي وزیر نتنیاهو یې امکان کم بللی دی.

د یادولو وړ ده، چې د احمد الشرع وینا ځکه د نړۍوالو پام ځانته اړولی چې یو وخت نوموړی د یوې وسله‌والې ډلې جهادي مشر و، خو اوس د یوې دولتي پروژې پر مخ وړونکی ولسمشر دی. هغه کس چې د امریکا له لوري د نیولو لپاره یې لس میلیونه ډالره جایزه ټاکل شوې وه، نن د ملګرو ملتونو په نړۍواله غونډه کې د یو مشروع رهبر په توګه څرګندېږي.

د هغه د مشرۍ په پایله کې د بشار الاسد اوږدمهاله واکمنۍ او ۱۴کلنې کورنۍ جګړې ته د پای ټکی کېښودل شو او سوریه د بیارغونې، سولې او نړۍوالې همکارۍ پر لور ګام اخلي.