د اروپايي ټولنې د کورنیو چارو وزیران په مونیخ کې د کډوالو د اېستلو په اړه غونډه کوي

د طالبانو پورې تړلې یوې ویب پاڼې المرصاد په راپور کې راغلي، چې د داعش خراسان ډلې مشر حسن د کراچۍ په ښار کې وژل شوی دی. خلیلزاد لیکي: «حسن څومره مهم و، په کراچۍ کې یې څه کار کاوه او چا وواژه؟»

هغه پر خپله اېکس پاڼه د حسن په اړه د المرصاد راپور شریک کړی او په تایید یې خپلې پوښتنې ورسره یو ځای کړي دي.

که څه هم خلیلزاد ښکاره پاکستان د داعش خراسان ډلې په ملاتړ نه دی تورن کړی، خو د المرصاد راپور او کنایه ډوله پوښتنو یې داسې ښکاري، چې هغه د پاکستان ملاتړ ته اشاره کوي.

المرصاد لیکلي، د حسن وژل په کراچۍ کې دا روښانه کوي، چې دا ښار د داعش خراسان ډلې لپاره د جذب، موقتي پټنځایونو او استخباراتي روزنې مرکز دی.

نوموړي په خپله اېکس پاڼه د یوې اعلامیې په خپرولو سره پرته له دې چې له اسراییل څخه وغواړي چې له یادې طرحې موافقت وکړي له حماس څخه غوښتي، «له دغې طرحې سره موافقت وکړي، خپلې وسلې پر ځمکه کېږدي او له ځنډ پرته ټول پاتې برمته شوي کسان ازاد کړي.»

اسراییل د حماس له لوري د ټرمپ د طرحې له منل کېدو د څو ساعتونو په تېرېدو سره لا هم په دې اړه خپل دریځ نه په ډاګه کړی.

د استرالیا لومړي وزیر ژمنه کړې، چې له خپلو شریکانو سره به په ګډه په غزه کې د جګړې د پایته رسېدو او په عادلانه توګه د دوو دولتونو د رامنځته کېدو په موخه له روانو هڅو خپل ملاتړ ته دوام ورکړي.

ټرمپ وویل: «ډېرو کسانو ډېره سخته مبارزه وکړه. نن یوه لویه ورځ ده. وګورو چې بالاخره دا به څنګه پر مخ ځي. موږ باید وروستی تصمیم پیاوړی او روښانه کړو.»

ټرمپ دغه د سولې هوکړه له ډېرو اړخونو بې‌ ساري وبلله او ویې ویل: «ټول یو غږ و او ټولو دا غوښتل، چې دا جګړه پای ته ورسېږي او سوله په منځني ختیځ کې راشي. موږ اوس ډېر نږدې شوي یو چې دا موخه تر لاسه کړو.»

د امریکا ولسمشر ټینګار وکړ، چې له ټولو اړخونو سره به عادلانه چلند وشي.

د قطر د بهرنیو چارو وزارت ویاند ماجد محمد انصاري پر ایکس خواله رسنۍ لیکلي، د قطر دولت د دې پخلی کوي، چې دوی له امریکا سره په همغږۍ او د مصر په منځګړیتوب او همداراز له خپلو شریکانو سره پر دې کار پیل کړی، څو په غزه کې د جګړې د پای ته رسېدو لپاره لاره هواره شي.

په ورته وخت کې، سره له دې چې د غزې په تړاو د ډونالډ ټرمپ له وړاندیز شوې طرحې سره حماس همدا څو ساعته مخکې موافقت وکړ، خو د راپورونو له‌مخې اسراییل د شنبې په سهار وختي (د تلې ۱۲مه) د غزې پر ځينو سیمو هوايي بریدونه کړي دي.

د اسراییل دغه بریدونه په داسې حال کې دي، چې ډونالډ ټرمپ د خپلې طرحې په تړاو د حماس له ځواب ترلاسه کولو وروسته له اسراییل وغوښتل چې په بېړه پر غزې له بریدونو لاس واخلي، څو ورسره د برمته شویو اسراییلیانو د خوشې کېدو بهیر چټک شي.

اردوغان پر ایکس خواله رسنۍ لیکلي، د غزې په تړاو ټولې اړینې چارې باید له ځنډ پرته عملي شي، څو ورسره بشري مرستې غزې ته ورسول شي او دایمي سوله ټينګه شي.

هغه پر غزې د اسراییل بمباریو او له امله یې اوښتې ګڼې مرګ ژوبلې ته په اشارې سره ویلي، «دا نسل‌وژنه، دا شرموونکې انځور چې د نړۍ وجدان یې ټپي کړی، باید همدا اوس پای ته ورسیږي.»

د نوموړي په وینا، ترکیه به په خپلو ټولو امکاناتو سره هڅه وکړي څو روانې خبرې اترې د فلسطیني ولس لپاره ګټورې پایلې ولري او د دوه دولتونو حل لاره، چې د نړۍوالې ټولنې له ملاتړ څخه هم برخمنه ده، عملي شي.