قطر: د ټرمپ د اوربند غوښتنې او د برمته شویو د خوشې کېدو ملاتړ کوو

اردوغان پر ایکس خواله رسنۍ لیکلي، د غزې په تړاو ټولې اړینې چارې باید له ځنډ پرته عملي شي، څو ورسره بشري مرستې غزې ته ورسول شي او دایمي سوله ټينګه شي.

هغه پر غزې د اسراییل بمباریو او له امله یې اوښتې ګڼې مرګ ژوبلې ته په اشارې سره ویلي، «دا نسل‌وژنه، دا شرموونکې انځور چې د نړۍ وجدان یې ټپي کړی، باید همدا اوس پای ته ورسیږي.»

د نوموړي په وینا، ترکیه به په خپلو ټولو امکاناتو سره هڅه وکړي څو روانې خبرې اترې د فلسطیني ولس لپاره ګټورې پایلې ولري او د دوه دولتونو حل لاره، چې د نړۍوالې ټولنې له ملاتړ څخه هم برخمنه ده، عملي شي.

د بریټانیا لومړي وزیر همداراز ټينګار کړی، هېواد یې له نورو شریکانو سره چمتو دی چې په دې برخه کې له نورو مذاکراتو هم ملاتړ وکړي او د اسراییلیانو او فلسطینیانو لپاره د تل پاتې سولې په موخه ګامونه پورته کړي.

استارمر په خپله اېکس پاڼه ولیکل، «اوس داسې فرصت رامنځته شوی چې جګړې ته د پای ټکی کېښودل شي، برمته شوي کسان بېرته خپلو کورونو ته ستانه شي او بشري مرستې هغو کسانو ته ورسول شي چې ورته ډېره اړتیا لري.»

د اسراییل په پارلمان کې د اپوزیسیون مشر یاییر لاپید د بنیامین نتنیاهو له حکومت څخه غوښتي چې ژر تر ژره د جګړې د پای ته رسېدو او د توافق د جزییاتو د وروستي کېدو په موخه د ډونالډ ټرمپ په مشرۍ له مذاکراتو سره یو ځای شي.

هغه په ډاګه کړه، چمتو دی چې د یاد توافق په برخه کې لازم سیاسي ملاتړ بنیامین نتنیاهو ته برابر کړي.

نړۍوالو رسنیو لیکلي، چې په دې برخه کې نتنیاهو په ډېر سخت وضعیت کې راګیر دی، ځکه هغه د ښي اړخي ایتلاف مشري هم کوي چې ځينې غړي یې پر غزې د اسراییل د حاکمیت غوښتونکي دي او ښايي نتنیاهو له یاد توافق سره مخالفت وکړي.

د راپورونو له‌مخې، په داسې وضعیت کې ښايي نتنیاهو په غزه کې د ټرمپ طرحې د عملي کېدو لپاره د یاییر لاپید په څېر د خپلو سیالانو ملاتړ ته اړ شي.

له دې سره سم، د برمته شویو کورنیو ټولنې هم له نتنیاهو غوښتي چې د برمته شویو کسانو د ازادېدو او خپلو کورونو ته ستنېدو لپاره ژر تر ژره له روانو مذاکراتو سره یو ځای شي.

د فرانسې ولسمشر امانوېل مکرون په غزه کې د جګړې د پای ته رسېدو په تړاو د حماس او امریکا تر منځ له موافقې وروسته وویل، «موږ اوس د دې فرصت لرو چې د سولې پر لوري پرېکنده پرمختګ وکړو.»

حماس ډلې د ټرمپ د سولې له طرحې سره موافقه اعلان کړه | افغانستان انټرنشنل پښتو

هغه پر اېکس خواله رسنۍ کې په دې برخه کې د امریکا د د ولسمشر له هڅو مننه وکړه او زیاته یې کړه، چې فرانسه به د امریکا، اسراییلیانو او فلسطینیانو او د خپلو ټولو نړۍوالو شریکانو سره یوځای او په ملګرو ملتونو کې له خپلو هڅو سره سم خپل مسوولیتونه سرته ورسوي.

ډونالډ ټرمپ: حماس سولې ته چمتو دی، اسراییل باید سمدستي پر غزې بمبارۍ ودروي | افغانستان انټرنشنل پښتو

د یادونې وړ ده، فرانسه یو له هغو هېوادونو دی چې په دې وروستیو کې یې فلسطین د یوه خپلواک هېواد او دولت په توګه په رسمیت پېژندلی دی.

ګوترېش همداراز په دې برخه کې د قطر او مصر له منځګړیتوبه هم مننه کړې او زیاته کړې یې ده، «زه یو ځل بیا خپله غوښتنه تکراروم چې باید سمدستي او دایمي اوربند وشي، ټول بندیان بې له کوم شرطه خوشې شي او د بشري مرستو لپاره بشپړ او بې‌خنډه زمینه برابره شي.»

د امریکا ولسمشر ډونالډ ټرمپ په غزه کې د سولې لپاره یوه طرحه وړاندې کړه او دغه طرحه د حماس له لوري ومنل شوه چې، له‌مخې به یې ټول برمته شوي اسراییلیان (مړه او ژوندي) اسراییل ته وسپارل شي او بشري مرستو ته به زمینه برابره شي.

ټرمپ هم د حماس له لوري د یادې طرحې له منل کېدو وروسته له اسراییل څخه په کلکه وغوښتل چې پر غزې د بمباریو بهیر ودروي او همداراز یې خبرداری ورکړ، چې د دغو بمباریو دوام ډېر خطرناک دي.