امانوېل مکرون:د برمته شویو اسراییلیانو خوشې کول او په غزه کې اوربند نږدې دی

ګوترېش همداراز په دې برخه کې د قطر او مصر له منځګړیتوبه هم مننه کړې او زیاته کړې یې ده، «زه یو ځل بیا خپله غوښتنه تکراروم چې باید سمدستي او دایمي اوربند وشي، ټول بندیان بې له کوم شرطه خوشې شي او د بشري مرستو لپاره بشپړ او بې‌خنډه زمینه برابره شي.»

د امریکا ولسمشر ډونالډ ټرمپ په غزه کې د سولې لپاره یوه طرحه وړاندې کړه او دغه طرحه د حماس له لوري ومنل شوه چې، له‌مخې به یې ټول برمته شوي اسراییلیان (مړه او ژوندي) اسراییل ته وسپارل شي او بشري مرستو ته به زمینه برابره شي.

ټرمپ هم د حماس له لوري د یادې طرحې له منل کېدو وروسته له اسراییل څخه په کلکه وغوښتل چې پر غزې د بمباریو بهیر ودروي او همداراز یې خبرداری ورکړ، چې د دغو بمباریو دوام ډېر خطرناک دي.

ډونالډ ټرمپ نږدې یو ساعت مخکې په ټروت سوشیل کې د حماس وروستي دریځ ته چې د ده له وړاندیز شوې طرحې سره یې منښته کړی وویل، «زه باور لرم چې هغوی [حماس] د یوې دایمي سولې لپاره تیار دي. اسراییل باید سمدستي پر غزې بمبارۍ ودروي، څو موږ وکولای شو بندیان ډېر ژر او په خوندي ډول راوباسو. همدا اوس د دې کار کول [د بمباریو دوام] ډېر زیات خطرناک دي.»

حماس د یوې اعلامیې په خپرولو سره ویلي، د غزې لپاره د ټرمپ له وړاندیز شوې طرحې سره موافق دي او ورسره به ټول برمته شوي اسراییلیان (مړه او ژوندي) اسراییل ته وسپارل شي.

په دغې اعلامیې کې راغلي، «حماس به د عزې تړانګې د فلسطیني ملي اجماع پر بنسټ او د عربي او اسلامي هېوادونو د ملاتړ په موجودیت کې یوه فلسطیني تخنیکي خپلواکې ادارې ته واک وسپاري.»

حماس ډلې د ټرمپ د سولې له طرحې سره موافقه اعلان کړه | افغانستان انټرنشنل پښتو

د امریکا ولسمشر تر دې مخکې حماس ته د راتلونکې یکشنبې تر مازدیګره وخت ورکړی و، چې په غزه کې د جګړې د پای لپاره د ده طرحه ومني او همداراز یې خبرداری ورکړی وو که یې طرحه ونه مني، نو له ډېر بد برخلیک سره به مخ شي.

حماس زیاته کړې، د ټرمپ په وړاندیز شوې طرحه کې د غزې د راتلونکې او د فلسطینیانو د حقوقو په تړاو راغلي مسایل د دوی له ملي دریځ سره مطابقت لري او په وینا یې باید د یوې فلسطینیي اجماع په چوکاټ کې پرې بحث وشي.

د امریکا ولسمشر د راتلونکې یکشنبه تر مازدیګره حماس ته وخت ورکړی چې په غزه کې د جګړې د پای لپاره د ده طرحه ومني او همداراز یې خبرداری ورکړی که یې طرحه د حماس له لوري ونه منل شي، نو دغه ډله به له «بې مخینې دوزخ» سره مخ شي.

ټرمپ د جمعه په ورځ (د تلې ۱۱مه) په تروت شوشیل ټولنیزې شبکې کې لیکلي، «له حماس سره باید د واشنګټن پر وخت د یکشنبه تر مازدیګر ۶ بجې توافق وشي. ټولو هېوادونو هغه لاسلیک کړی دی! که دغه توافق او وروستی فرصت تر ټاکل شوې مودې یوې پایلې ته ونه رسېږي، داسې دوزخ به جوړ شي چې تر اوسه به هېچا نه وي لیدلی.»

د امریکا د استخباراتو ادارې پخوانۍ ماموره سارا اډمز د جمعه په ورځ (د تلې ۱۱مه) پر اېکس پاڼه د امریکا د ترهګرۍ په وړاندې مبارزې ته په اشارې لیکلي: «هغه څارنوال چې د داعش د غړي انجینر شریف مشهور په محمد شریف الله و دوسیه تعقیبول اوس له دندې ګوښه شوی دی.»

هغې زياته کړې: «په روان کال کې زموږ حکومت په ناکام ډول هڅه وکړه، چې شریف د ۲۰۲۱ کال د ابي ګیټ (کابل هوایي ډکر» برید اصلي‌ طراح معرفي کړي او د دغه برید اصلي پلان جوړونکی سراج الدین حقاني وژغوري.»

سارا وایي، چې د همدې برید اصلي طراح ثنا الله غفاري لا هم ازاد ګرځي.

د دې په خبره، چې سراج او ثناالله دواړه د یوې راتلونکې دسیسې برخه دي چې د امریکا په خاوره کې پلان شوې.

سارا زیاتوي، چې د ابي‌ګیټ تر برید وروسته دوی دا دسیه تعقیب نه کړه.

لیبرمن ویلي، ایران اوس د خپلو دفاعي او پوځي وړتیاوو د پیاوړتیا په حال کې دی او هسته‌ییز فعالیتونه یې بېرته پیل کړي دي.

هغه زیاته کړې: «بې سببه نه ده چې مخکښو هېوادونو د ایران د رژیم پر ضد د بندیزونو د فعالولو میکانیزم (ماشه میکانیزم) بیا کارولی دی.»

د هغه په وینا، دا ځل د ایران مشرتابه هڅه کوي چې اسراییل له ناڅاپي برید سره مخ کړي.

لیبرمن خپلو خلکو ته په خطاب کې ویلي: «د سکوت مذهبي اختر ولمانځئ او له کورنیو سره وخت تېر کړئ، خو محتاط اوسئ او پناه ځایونو ته نږدې اوسېږئ. پر دې حکومت باور نه شي کېدای، یواځې پر پوځ او ځان بسیا کېدو باید تکیه وکړو.»