سټارمر: د حماس له‌خوا د ټرمپ د سولې طرحې منل د سولې پر لور مهم ګام دی

د بریټانیا لومړي وزیر همداراز ټينګار کړی، هېواد یې له نورو شریکانو سره چمتو دی چې په دې برخه کې له نورو مذاکراتو هم ملاتړ وکړي او د اسراییلیانو او فلسطینیانو لپاره د تل پاتې سولې په موخه ګامونه پورته کړي.

استارمر په خپله اېکس پاڼه ولیکل، «اوس داسې فرصت رامنځته شوی چې جګړې ته د پای ټکی کېښودل شي، برمته شوي کسان بېرته خپلو کورونو ته ستانه شي او بشري مرستې هغو کسانو ته ورسول شي چې ورته ډېره اړتیا لري.»