اروپایي ټولنه ټول افغان ښوونکي د ستاینې وړ بولي
اروپايي ټولنې نن یکشنبه د (تلې ۱۳مه) د ښوونکي نړۍوالې ورځې په مناسبت ویلي، چې د افغانستان د ټولو ښوونکو، په تېره بیا ښځینه استادانو زیار د ستاینې وړ دی.
اروپايي ټولنې نن یکشنبه د (تلې ۱۳مه) د ښوونکي نړۍوالې ورځې په مناسبت ویلي، چې د افغانستان د ټولو ښوونکو، په تېره بیا ښځینه استادانو زیار د ستاینې وړ دی.
اروپايي ټولنې په یوې خبرپاڼه کې لیکلي، چې ښوونه او روزنه د پياوړي افغانستان جوړولو لپاره یوازینۍ لاره ده.
اروپايي ټولنه داسې مهال د ښوونکي د ورځې یادونه کوي، چې پرون د هرات ولایت د طالبانو د پوهنې ریاست په یوه مکتوب کې په ښوونځیو کې د ښوونکي د ورځې نمانځل منعه کړي دي.
تر دې مخکې زرګونه ښځينه ښوونکي پر کورونو کېنول شوي او د نورو حقونو ترڅنګ دا ویاړ هم ځنې اخیستل شوی دی.
