اوکراین: طالبان په افغانستان کې د روسیې او بیلاروس جاسوسان په ځير سره څاري

د امريکايي استخباراتو دا پخوانۍ ماموره وايي، چې د طالبانو د استخباراتو عمومي ریاست (GDI) د (المرصاد) نومي تبلیغاتي پاڼې له‌خوا دا درواغ خپاره کړي، چې ګواکي په کراچۍ کې د داعش خراسان ډلې یو مهم غړی حسن وژل شوی دی.

د هغې په وینا: «طالبان داسې ښيي، چې دا زموږ دښمن او زموږ مطلوب حسن و، خو اصلي خبره دا ده، چې دا وژل شوی حسن د داعش یا بلې ترهګرې ډلې غړی نه دی. دا د طالبانو له‌خوا جوړه شوې جعلي کیسه ده».

سارا ا‌ډمز زیاتوي، طالبان وايي چې حسن د پښتونخوا اوسېدونکی و، خو دا خبره سمه نه ده، هغه د ننګرهار ولایت د اچین ولسوالۍ اوسېدونکی و؛ هغه ولسوالي چې د داعش خراسان ډلې ستر مرکز دی.

دا پخوانۍ امریکايي استخباراتي ماموره وايي، باید ټولو هغو سرچینو ته د شک په سترګه وکتل شي، چې دا جعلي خبر یې خپور کړی دی، ځکه د طالبانو له خوا جوړې شوي افسانې خپرول له ترهګرو سره مرسته ده.

سارا اډمز طالبان په خپله لیکنه کې مخاطب کړي: «تاسې هیڅ‌کله واقعي استخبارات نه لرئ، تاسې خپلو ځانونو ته خطر یاست، افسران مو معلومات افشا کوي او جعلي خبرونه مو رسوا کېږي، تاسې دومره وړتیا هم نه لرئ چې رښتیا ډوله درواغ ووایاست».

خو پرون یوه بل جګپوړي امریکايي ډېپلوماټ زلمي خلیلزاد دا خبر منلی او په دې اړه یې پاکستان ته د شک په سترګه کتلي و، چې ګني دا هېواد د داعش خراسان ډلې لپاره د اوسېدلو او روزنې ځای دی.

خلیلزاد پرون پر خپله اېکس پاڼه د (المرصاد) له خوا د حسن د وژلو خبر پوسټ کړی او دا پوښتنې یې ورسره تړلي وې: «حسن څومره مهم و، په کراچۍ کې یې څه کار کاوه او چا وواژه؟»

د حسن په نوم د پخوانیو امریکایي چارواکو نظرونه یو له بل سره ټکر لري او پایله کې یې خلک نه پوهېږي چې حقیقت څه دی؟ کوم مامور رښتیا وايي، وژل شوی حسن څوک و او اصلي حسن چېرته دی؟

د دې ریاست په خبرپاڼه کې راغلي، چې دا ازموینه د طالبانو د استخباراتو له اړوندې خپرندویه ادارې «المرصاد» سره په ګډه همکارۍ اخیستل شوې او لسو غوره زده‌کوونکو ته جایزې ورکړل شوي دي.

تر اوسه څرګنده نه ده چې د «دوحې تړون» کتاب څه ډول منځپانګه لري.

د یادونې ده چې د دوحې تړون د ۱۳۹۸ کال د کب پر ۱۰مه نېټه د طالبانو او امریکایانو ترمنځ لاسلیک شوی و. د دې تړون له مخې د امریکا په مشرۍنړیوال ځواکونه له افغانستان څخه ووتل او د جمهوریت پخوانی حکومت د طالبانو لاس ته ولوېد.

د دوحې تړون د پنځمې کلیزې په مناسبت د طالبانو ویاند ذبیح‌الله مجاهد ویلي، دا تړون یوازې د یوه پړاو لپاره و، اوس د دوی لپاره لپاره اعتبار نه لري.

هغه ویلي، اوس د طالبانو واکمني ټینګه شوې او دوی نور د دوحې تړون پر بنسټ نه، بلکې د خپل نظام د اصولو له مخې عمل کوي.

په دې وروستیو کې د طالبانو اړوند پاڼو د مهدي انصاري د جبري اعتراف یوه ویډیو خپره کړه، چې وايي هغه د «رژیم پروړاندې د تبلیغاتو» په تور نیول شوی دی.

د بښنې نړۍوال سازمان ویلي، چې دا خبریال له یوې ناعدلانه محاکمې وروسته زنداني شوی دی.

د سازمان په خپره شوې خبرپاڼه کې راغلي: «طالبان د خپل‌ سري نیونو، زنداني کولو، جبري تري تم کولو او د فشار لاندې د اعتراف اخیستو له لارې مخالف غږونه، لکه خبریالان، د مدني ټولنې فعالان او د بشري حقونو مدافعین خامه کوي.»

دغه سازمان همداراز غوښتنه کړې، چې مهدی انصاري ته باید د مناسبې درملنې، مدافع وکیل او له خپلې کورنۍ سره د منظم ملاقات حق ورکړل شي.

دوی ټینګار کړی، چې هېڅ خبریال باید یوازې د خپل مسلکي کار له امله زنداني نه شي.

د طالبانو استخباراتو تېر کال د تلې په میاشت کې دغه خبریال په کابل کې نیولی و او وروسته یې هغه ته د یو نیم کال بند سزا ورکړه.

د افغانستان د خبریالانو مرکز د مهدي انصاري د «جبري اعتراف» خپرول غندلي او دا یې د عادلانه محاکمې له اصولو سره په ټکر کې او د یاد خبریال د حقونو سرغړونه بللې ده.

د طالبانو د کډوالو او راستنېدونکو چارو وزارت د خبرپاڼې له‌مخې، عبدالکبیر په دغې کتنه کې په تېرو څو لسیزو کې له افغانانو سره د پاکستان د ولس له مرستو مننه وکړه، خو له افغان کډوالو سره ناسم چلند او پر وړاندې یې پوځي اقدامات د اندیښنې وړ وبلل او زیاته یې کړه: «دغه ډول کړنې باید تکرار نه‌شي.»

د پاکستان د جماعت اسلامي پلاوي د افغان او پاکستاني علماوو نږدې اړیکې یوه اړتیا وبلله او زیاته یې کړه: «د طالبانو او اسلام اباد تر منځ د شته ستونزو د حل په موخه باید خبرو ته لومړیتوب ورکړل شي.»

په یاده خبرپاڼه کې د طالبانو او پاکستان تر منځ د شته ستونزو په تړاو جزییات نه دي ورکړل شوي، خو د طالبانو او پاکستان ترمنځ د ستونزو اصلي سرچینه د «تحریک طالبان پاکستان» ډله ده او پاکستان ادعا لري، چې دغه ډله په افغانستان کې ده او هلته پر پاکستان بریدونه طرحه کوي، خو طالبان بیا وايي، دغه مساله د پاکستان کورنۍ مساله ده او په افغان خاوره کې یې د یادې ډلې حضور رد کړی دی.

عبدالکبیر بیا وویل، طالبان تل د ستونزو د حل په برخه کې خبرو او ډيپلوماسۍ ته لومړیتوب ورکوي او زیاته یې کړه: «د طالبانو د همکارۍ لمن پراخه ده او د ستونزو د حل په برخه کې خبرو او ډیپلوماسۍ ته لومړیتوب ورکوي.»

نوموړي همداراز د سیمي حالاتو ته په کتو په ډاګه وویل، کابل او اسلام اباد باید په سوله کې ژوند وکړي او همداراز یې ادعا وکړه، چې «د افغان ولس د جهاد له برکته په سیمه کې ثبات رامنځته شوی دی.»

د یادونې وړ ده، چې د طالبانو له بیا واکمنېدو وروسته د دغې ډلې او پاکستان تر منځ اړیکې ډېرې تودې وې او ان د طالبانو د حاکمیت په لومړیو ورځو کې د پاکستان د وخت د استخباراتو یا ای‌اېس‌ای ریيس فیض حمید هم په کابل کې ګرځېده، خو له څه مودې راهیسې اړیکې ترینګلي شوي او ان د دواړو لوریو ترمنځ څو ځلي وسله والې نښتې هم شوي او پاکستان بیا د افغانستان پر ختیځو ولایتونو یو شمېر هوايي بریدونه هم کړي دي.

په دغه کنفرانس کې ویناوالو په هېواد کې د تل پاتې سولې، د ټولنیز عدالت د بنسټیزو اصولو، د ملي یووالي، د راتلونکي سیاسي جوړښت او د اوسنیو فرصتونو او ننګونو په تړاو هر اړخیزې خبرې وکړې.

په دغه کنفرانس کې د ښځو او ځوانانو په ګډون یو شمېر سیاسي، ملي او ټولنیزو شخصیتونو ګډون درلود.

د افغانستان لوی ملي چتر د اعلامیې له‌مخې، دغه اېتلاف همداراز له ټولو ملي، ټولنیزو او فرهنګپالو وغوښتل چې په هېواد کې د عادلانه سولې، تل پاتې ولسواکۍ او ټولنیز عدالت په لاره کې سره همغږې شي.

د افغانستان لوی ملي چتر یو داسې اېتلاف دی، چې له ۳۰څخه زیاتو (سیاسي ګوندونو، ټولنیزو شوراګانو او مدني بنسټونو) څخه جوړ دی او د سولې، ولسواکۍ، ټولنیز عدالت او د یو ګډ ملي دریځ د رامنځته کولو په موخه په جرمني کې جوړ شوی دی.

دغه اېتلاف په داسې حال کې په افغانستان کې د ولسواکۍ اصولو چې بنسټیز اصل یې ټاکنې دي، پر رعایتېدو ټینګار لري، چې په هېواد کې طالبان دغه اصول نه مني او یو ځلې د دغې ډلې د بهرنیو چارو وزارت سرپرست ویلي وو، چې د دوی په حاکمیت کې ټاکنې ناشونې دي.

د یادونې وړ ده، چې په هېواد کې د تېر جمهوري نظام له رانسکورېدو او ورسره د طالبانو له بیا واکمنېدو وروسته دغې ډلې په افغانستان کې ټول ګوندونه او ورته بنسټونه لغوه اعلان کړل او ورسره جوخت له هېواد څخه بهر یو ځل بیا د ګوندونو، شوراګانو او ورته اېتلافونو د جوړېدو لړۍ زور واخیست، په داسې حال کې چې په کور دننه هېڅ استازی هم نه لري.