طالبان وايي د هرات-خواف ریل ګاډي پټلۍ د مسافرو لپاره چمتو نه ده

د طالبانو او پاکستاني ځواکونو ترمنځ د سې شنبې په شپه او د چارشنبې ورځې نښتو او د پاکستاني ځواکونو په هوايي بریدونو کې د کندهار په سپین بولدک ولسوالۍ کې ۴۰ ملکي وګړي وژل شوي او نږدې ۱۷۱ تنه نور ټپیان شوي دي.

د کندهار د میرویس روغتون سرچینو افغانستان انټرنشنل ته ویلي، چې له سپین بولدک څخه ګڼ شمېر ټپیان میرویس روغتون، د عینومینې روغتون او نورو خصوصي روغتونونو ته انتقال شوي.

سرچینې ویلي، چې په قربانیانو کې ښځې او ماشومان هم شامل دي.

په سپین بولدک ولسوالۍ کې د طالبانو د اطلاعاتو امر هم رسنیو ته د ۳۹ کسانو د وژل کېدو او شاوخوا ۱۷۰ تنو د ټپي کېدو پخلی کړی دی.

وړاندې د طالبانو ویاند ذبیح الله مجاهد په سپین بولدک کې د طالبانو او پاکستاني ځواکونو ترمنځ د جکړې د قربانیانو په اړه رسنیو ته ویلي و، چې ۱۲ ملکي وګړي وژل شوي او تر سل ډېر ټپیان شوي دي.

طالبانو د خپلو نظامیانو د مرګ ژوبلې په اړه معلومات نه دي ورکړي.

په ورته وخت کې یوناما د یو راپور په خپرولو سره ویلي، چې د کندهار په سپین بولدک کې د پاکستان په بریدونو کې ۱۷ ملکي کسان وژل شوي او ۳۴۶ نور ټپیان شوي دي.

د طالبانو د کندهار امنیه قوماندانۍ مطبوعاتي دفتر د پنجشنبې په ورځ وویل، چې د یادو عملیاتو په ترڅ کې د نشه‌يي توکو په تړاو ۳۰ تنه شکمن کسان نیول شوي او له دوی څخه ۲،۲۷ ګرامه ښیښه، ۴۶۵ ګرامه ټابلیټ‌کا، ۱۸۰ ګرامه اومان، ۱،۲۱۰ کیلو ګرامه تریاک، ۳۵،۴۶۸ کیلو ګرامه چرس، ۲۳۰ کیلو ګرامه د چرسو بوساړه او ۱۲ تلیفونونه ترلاسه شوي دي.

یاده قومانداني وايي، د عملیاتو پر مهال ۱۳ جریبه کرنیزه ځمکه د بنګو له کښت څخه پاکه شوې او د کندهار ښار له بېلابېلو سیمو څخه ۲۹۱ تنه په نشه‌يي توکو روږدي کسان او ۳۴ تنه سوالګر راټول او اړوندو ارګانونو ته سپارل شوي دي.

د طالبانو د امنیه قوماندانۍ چارواکو ویلي چې دغه عملیات به دوام ولري.

طالب چارواکو په کراتو ویلي چې په افغانستان کې د نشه یي توکو کښت او تولید صفر ته رسیدلی، خولاهم ددې توکو کښت او قاچاق کیږي.

د سویس دولت وايي، چې نوموړی به په اسلام اباد کې میشت وي.

د سویس دولت په اعلامیه کې رې «د افغانستان اسلامي جمهوریت» لپاره استازی نومول شوی.

سویس د طالبانو له ادارې سره په تخنیکي کچه اړیکې لري او په دې وروستیو کې د طالبانو یو پلاوی هم سویس ته تللی و، چې د شړل کېدونکو افغان پناه غوښتونکو د هویت په برخه کې له سویسي چارواکو سره مرسته وکړي، خو د سویس اړوند رسنۍ وايي، چې طالبان د افغان پناه غوښتونکو پخواني اسناد نه مني او هرڅه د خپلې ادارې په اسنادو پورې مشروطوي.

سویس له دې وړاندې یو افغان پناه غوښتونکی کابل ته لېږلی و، چې طالبانو یې له منلو انکار کړی و.

د طالبانو د کډوالو او بېرته راستنېدونکو چارو وزارت له لوري په خپرې شوې خبرپاڼه کې د اروپايي ټولنې د ځانګړي استازي په حواله راغلي، چې په افغانستان کې بشري اړتیاوو ته په کتو یې خپلې مرستې زیاتې کړې دي.

د خبرپاڼې په ټکو؛ د اروپايي ټولنې پلاوي د افغانستان او پاکستان ترمنځ وروستۍ نښتې د اندېښنې وړ بللې او ویلي یې دي، چې دغه حالت پر بشري وضعیت منفي اغېز کړی او ګڼ راستنېدونکي یې له ستونزو سره مخ کړي دي.

د یاد وزارت په خبرپاڼه کې راغلي، چې د طالبانو د کډوالو او بېرته راستنېدوکو چارو وزیر له اروپايي ټولنې د اړیکو پر پیاوړتیا او پراختیا ټینګار کړی او ویلي یې دي، چې دغه بشري مرستې باید له سیاسي مسایلو لرې وساتل شي.

د پاکستاني رسنیو د راپور له مخې؛ د افغانستان د ټرانزیټي سوداګرۍ د عمومي رییس په مشرۍ یوه مهمه ناسته د کراچۍ د ګمرک په مرکزي دفتر کې شوې، چې د کویټې او پېښور ګمرکونو مشرانو په‌کې د ویډیو کنفرانس له لارې ګډون کړی و.

له یادې ناستې وروسته یو امر صادر شوی، چې له مخې یې د افغانستان هر ډول ټرانزیټي سوداګري د پاکستان له لارې وځنډول شوه. په خپاره شوي مکتوب کې راغلي، چې د کویټې او پېښور ګمرکونو د تم ځایونو ظرفیت بشپړ شوی او د نورو کانټینرونو د ځای کېدو امکان نه‌شته.

د دغه امر له مخې؛ ټولو بندري ترمینالونو ته لارښوونه شوې، هغه کانټینرونه چې د افغانستان د ټرانزیټي سوداګرۍ په بار وړونکو موټر کې بار شوي باید ژر تر ژر تخلیه یا خالي شي. همدا راز د ټولو بار وړونکو موټرونو ګېټ پاسونه هم لغوه شوي دي.

د معلوماتو له مخې؛ د کراچۍ او قاسم بندرونو ټول ترمینالونه ډک شوي او د بار وړونکو موټرو کتارونه ولاړ دي.

دا په داسې حال کې ده، چې په تېرو پنځو ورځو کې د طالبانو او‌ پاکستاني ځواکونو ترمنځ د ډیورنډ پر کرښه نښتې وشوې او ان د پاکستان پوځ د کابل په ګډون د افغانستان پر ځینو ولایتونو بمبارۍ هم وکړې. که څه هم له تېرې ورځې راهیسې د دواړو لوریو ترمنځ اوربند شوی؛ خو اسلام‌اباد ویلي چې هره شېبه د بیا جګړې احتمال شته.

افغان او پاکستاني سوداګرو په وار، وار له خپلو حکومتونو غوښتي، چې سوداګري دې د سیاسي ناندریو ښکار نه ګرځوي. په تېر کې هم د دغسې کړکېچونو له کبله د دواړو هېوادونو ترمنځ سوداګري په ټپه درېدلې وه، چې له کبله یې سوداګرو ته درانه مالي زیانونه اوښتي او ورسره د توکو بیې هم لوړې شوې دي.